- બનાસકાંઠાનાં સરહદીય વિસ્તારનાં ગામનો વિડિયો વાયરલ
- પ્રેમિકાને મળવા ગયેલા પ્રેમીઓનું કરાયું મુંડન
- ગ્રામજનોએ બંને યુવકોને સામ સામે બેસાડીને કરાવ્યું મુંડન
- VTV ન્યૂઝ વાયરલ વિડિયોની પુષ્ટિ કરતું નથી
અવાર નવાર પ્રેમિ-પ્રેમિકાને ચોરની જેમ લપાતો છુપાતો મળવા ગયા બાદ અચાનક જ ગ્રામજનોનાં હાથે ઝડપાઈ ગયા બાદ ગ્રામજનો દ્વારા તેને મેથીપાક ચખાડવામાં આવે છે. તેમજ ઘણી વખત તો ગ્રામજનો દ્વારા તેને ચપ્પલનો હાર પહેરાવી ગધેડા પર પણ બેસાડવામાં આવે છે. તો અમુક વખત તેને માથે મુંડન કરી ગામમાં પણ ફેરવવામાં આવે છે. આવા અનેક વીડિયો સોશિયલ મીડિયામાં અવાર નવાર વાયરલ થતા હોય છે. આવો જ એક વીડિયો સોશિયલ મીડિયામાં વાયરલ થવા પામ્યો છે. આ બંને યુવકે પ્રેમિકાને મવા ગયા હતા અને પકડાઈ ગયો હોવાનું હાલ જાણવા મળી રહ્યું છે. VTV ન્યૂઝ વાયરલ વિડિયોની પુષ્ટિ કરતું નથી.
બંને યુવકોને સામ સામે બેસાડી મુંડન કરાવ્યું
બનાસકાંઠાનાં સરહદીય વિસ્તારનાં ગામમાં રાત્રીનાં સમયે પ્રેમિકાને મળવા ગયેલ પ્રેમી યુવકો ગ્રામજનોનાં હાથે ઝડપાઈ ગયા હતા. જે બાદ ગ્રામજનો દ્વારા બંને યુવકોની પૂછપરછ હાથ ધરતા તેઓ પોતાની પ્રેમિકાને મળવા આવ્યા હોવાનું સામે આવ્યું હતું. જે બાદ ગ્રામજનો દ્વારા બંને યુવકોને બરાબરનો મેથીપાક ચખાડ્યો હતો. તેમજ બંને યુવકોને સામ સામે બેસાડી મુંડન કરાવ્યું હતું. ત્યારે અવાર નવાર પ્રેમીકાને મળવા ગયેલ પ્રેમીઓ પકડાઈ જાય ત્યારે તેઓને સજાનાં ભાગરૂપે મુંડન કરવામાં આવે છે. અથવા તો બીજી કોઈ સજા આપવામાં આવે છે.
વીડિયો થરાદ, વાવ કે લાખણી પંથકનો હોવાનું લોકોનું અનુમાન
સરહદી વિસ્તાર એવા બનાસકાંઠાનાં એક ગામમાં રહેતી તેની પ્રેમિકાને રાત્રીનાં સમયે મળવા ગયેલ યુવક ગ્રામજનોનાં હાથે ઝડપાઈ ગયો હતો. જે બાદ ગ્રામજનો દ્વારા બંને યુવકોનું સજાનાં ભાગરૂપે મૂંડન કરવામાં આવ્યું હતું. ત્યારે મળતી માહિતી મુજબ આ વીડિયો થરાદ, વાવ કે લાખણી પંથકનો હોવાનો લોકો અનુમાન લગાવી રહ્યા છે. આ વીડિયો સોશિયલ મીડિયા પર વાયરલ થતા લોકોએ સોશિયલ મીડિયામાં કોમેન્ટો કરી આનંદ મેળવ્યો હતો.
