વાતાવરણ / 2 રેડ તો 3 જિલ્લામાં ઓરેન્જ એલર્ટ: હવામાન વિભાગે જિલ્લા પ્રમાણે કરી આગાહી, જુઓ તમારા વિસ્તારમાં ક્યારે થશે મેઘમહેર

• આજે રાજ્યના 62 તાલુકામાં વરસાદ
• સૌથી વધુ કામરેજમાં પોણા 5 ઈંચ વરસાદ
• રાજ્યમાં આગામી 5 દિવસ ભારે વરસાદ

ગુજરાતમાં ભારે વરસાદને પગલે ચોમાસાની ધમાકેદાર એન્ટ્રી નોંધાઈ રહી છે. બીજી બાજુ હવામાન વિભાગ દ્વારા પણ વરસાદની આગાહી કરવામાં આવી છે. જેને લઈને આજે રાજ્યના 62 તાલુકામાં મેઘરાજાએ સટાસટી બોલાવી હતી. જેમાં સૌથી વધુ કામરેજમાં પોણા પાંચ ઇંચ વરસાદ નોંધાયો હતો. તે જ રીતે માંડવીમાં ત્રણ ઇંચ ખેરગામમાં ઇંચ અને ધરમપુર અને કપરાડામાં  2 ઇંચ, તથા વિસાવદર, વલસાડ, ચીખલી વાપી, સુરત શહેરમાં પોણા બે ઇંચ વરસાદ ખાબક્યો હતો. સાથે સાથે બારડોલી, પારડીમાં પોણા 2 ઇંચ અને વાસદાના પણ પોણા બે ઇંચ વરસાદ પડ્યો હોવાનું તંત્રના ચોપડે નોંધાયું છે. વધુમા ઉંમરપાડામાં 1.5 ઇંચ અને ડોલવણમાં સવા ઇંચ જેટલું પાણી વરસ્યું હતું. જેને લઈને નદી નાળામાં પુર આવ્યું હતું.

આગામી 5 દિવસ ગુજરાતમાં કયા જિલ્લામાં વરસાદની કેવી આગાહી, જુઓ લિસ્ટ#RainInGujarat #WeatherForcast #VTVGujarati pic.twitter.com/b07dVzNql1

— VTV Gujarati News and Beyond (@VtvGujarati) June 28, 2023

આ જિલ્લામાં રેડ એલર્ટ
હવામાન વિભાગ દ્વારા આગામી 1 જુલાઈ સુધી રાજ્યમાં વરસાદની આગાહી કરવામાં આવી છે ક્યાંક ધીમીધારે તો ક્યાંક ધુઆધાર વરસાદ પડે તેવી શકયતા રહેલી છે. ત્યારે હવામાન વિભાગ દ્વારા નવસારી અને વલસાડમાં વધુ વરસાદની શક્યતાને પગલે રેડ એલર્ટ જાહેર કરાયુ છે. આ ઉપરાંત સુરત અને ડાંગ તેમજ તાપીમાં પણ વરસાદની શક્યતાને લઇ અને ઓરેન્જ એલર્ટ જાહેર કરવામાં આવ્યું છે. સાથે સાથે દાદરા નગર હવેલી અને દમણમાં પણ રેડ એલર્ટ જાહેર કરાયું હોવાથી વધુ વરસાદની શક્યતા જોવા મળી રહી છે.

રાજ્યમાં આગામી 5 દિવસ ભારે વરસાદ
હવામાન વિભાગના જણાવ્યા અનુસાર રાજ્યમાં આગામી 5 દિવસ ભારે વરસાદ પડી શકે છે. દક્ષિણ ગુજરાતમાં અતિભારે વરસાદની આગાહી કરાઈ રહી છે. વલસાડ , નવસારી,સુરતમાં અત્યંત ભારે વરસાદ પડી શકે છે. તેમજ બનાસકાંઠા, સાબરકાંઠા, ભારે વરસાદ તો જૂનાગઢ, અમરેલી, ભાવનગર, દ્વારકા, જામનગરમાં ભારે વરસાદની આગાહી કરાઈ છે. તેમજ ગીર સોમનાથ અને દીવમાં અતિભારે વરસાદ પડે તેવા અણસાર હોવાથી તંત્ર દ્વારા માછીમારોને આગામી 5 દિવસ દરિયો ન ખેડવા સૂચના આપવામાં આવી છે.