- ઉત્તર પ્રદેશના બારાબંકીમાં એક મોટી દુર્ઘટના
- 4 માળનું કોંક્રીટનું મકાન ધરાશાયી થતાં 2 લોકોના મોત
- 14 લોકો ઘાયલ થયા, 10 ઘાયલોને લખનૌના ટ્રોમા સેન્ટર ખસેડાયા
ઉત્તર પ્રદેશના બારાબંકીથી એક મોટી દુર્ઘટનાના સમાચાર સામે આવી રહ્યા છે. વાત જાણે એમ છે કે, બારાબંકીમાં સોમવારે સવારે એક મોટો અકસ્માત થયો હતો. વિગતો મુજબ 4 માળનું કોંક્રીટનું મકાન ધરાશાયી થવાથી બે લોકોના મોત થયા છે જ્યારે 14 લોકો ઘાયલ થયા છે. જેમાંથી 10 ઘાયલોને લખનૌના ટ્રોમા સેન્ટરમાં રીફર કરવામાં આવ્યા છે.
બારાબંકીના ફતેહપુર પોલીસ સ્ટેશન વિસ્તારમાં હાશિમ નામના વ્યક્તિનું 4 માળનું પાકું મકાન ધરાશાયી થઈ ગયું હતું. આજુબાજુના મહોલ્લામાં રહેતા લોકો પણ મકાનના કાટમાળ નીચે દટાયા હતા. આ દુર્ઘટનામાં બે લોકોના મોત થયા હતા જેની જિલ્લા હોસ્પિટલના CMS દ્વારા પુષ્ટિ કરવામાં આવી છે.
શું કહ્યું પોલીસે ?
આ તરફ ઘટનાસ્થળે પહોંચેલા SPદિનેશ સિંહે કહ્યું કે, આ ઘટનામાં 16 લોકો દટાયા છે. આ તરફ 12 વ્યક્તિને બચાવી લેવામાં આવ્યા છે તો 4 હજુ પણ ફસાયેલા છે. જેને લઈ હાલ SDRFની ટીમ આવી પહોંચી છે. એનડીઆરએફને પણ બોલાવવામાં આવી છે. રેસ્ક્યુ ઓપરેશન ચાલુ છે.
3 વાગ્યે માહિતી મળી અને પછી......
SP એસપી દિનેશ સિંહે જણાવ્યું કે, 3 વાગ્યે માહિતી મળી હતી કે હાશિમ નામના વ્યક્તિનું ઘર ધરાશાયી થયું છે જેમાં 16 લોકો દટાયા છે 12ને બચાવી લેવામાં આવ્યા છે, 4 લોકો હજુ પણ ફસાયેલા છે SDRF પહોંચી ગયું છે. NDRF પણ થોડા સમયમાં પહોંચી જશે, પ્રયાસો ચાલુ છે. દરેકને બચાવી લેવામાં આવશે.
આ લોકોએ ગુમાવ્યા જીવ
- રોશની બાનો (ઉંમર-22 વર્ષ)
- હકીમુદ્દીન (ઉંમર-28 વર્ષ)
આ લોકો ઇજાગ્રસ્ત
- મહેક
- શકીલા
- સલમાન
- સુલતાન
- ઝૈનબ
- કુલસુમ
- ઝફરુલ
- સમીર
