રાજકારણ / CM બદલવાની ચર્ચા વચ્ચે યેદિયુરપ્પાનું સૂચક ટ્વીટ, કર્ણાટકનું રાજકારણ ગરમાયું

• કર્ણાટકમાં CM બદલવાની ચાલી રહી છે ચર્ચાઓ
• યેદિયુરપ્પાની સમર્થકોને વિરોધ ન કરવાની અપીલ
• "પાર્ટીને શરમમાં મુકાવવું પડે તેવું કોઈ કામ ન કરતા"

યેદીયુરપ્પાએ ટ્વીટ કરીને લખ્યું કે, મને ગર્વ છે હું ભાજપનો વફાદાર કાર્યકર્તા છું. મારા માટે સમ્માનની વાત છે, આદર્શોનું પાલન કરીને ભાજપની સેવા કરી છે.  સાથે જ તેમણે કહ્યું કે, મારા તમામ સમર્થકોએ પાર્ટીના સંસ્કારોના આધારે વર્તન કરવું જોઈએ. 

પાર્ટીને શરમમાં મુકાવવું પડે તેવા કાર્યક્રમમાં તમે ન જોડાવા કરી અપીલ 

ટ્વીટમાં તેમણે સમર્થકોને વધુમાં કહ્યું હતું કે, કોઈ પણ પ્રદર્શન અથવા પાર્ટીને શરમમાં મુકાવવું પડે તેવા કાર્યક્રમમાં તમે ન જોડાશો. મહત્વનું છે કે, કર્ણાટકના CM બદલવાની ચર્ચાઓ વચ્ચે PM મોદીની વરિષ્ઠ નેતાઓ સાથે મુલાકાત થઈ હતી. યેદિયુરપ્પાએ અગાઉ જે.પી.નડ્ડા, અમિત શાહ સાથે પણ બેઠક કરી હતી. યેદિયુરપ્પા શરતી રાજીનામું આપવા તૈયાર હોવાની પણ ચર્ચાઓ તેજ થઈ હતી. ત્યારે હવે યેદિયુરપ્પાએ પોતાના સમર્થકોને કોઈ પણ વિરોધ ન કરવાની અપીલ કરી છે. 

બીએસ યેદિયુરપ્પાના સંભવિત ઉત્તરાધિકારી કોણ?

ભાજપમાં એ વાતની ચર્ચા થઈ રહી છે કે યેદિયુરપ્પાની વિદાઈ થઈ શકે છે, તો પાર્ટીની અંદર એ વાતનો  પણ અંદાજ લગાવવામાં આવે છે કે તેમના શક્ય ઉત્તરાધિકારી કોણ હોઈ શકે છે. લિંગાયત ગ્રપના 78 વર્ષીય નેતા યેદિયુરપ્પાના ઉત્તરાધિકારીના નામને લઈને અદાજા લગાવાઈ રહ્યા છે. 

કર્ણાટકમાં વીરશૈવા- લિંગાયત ગ્રુપની જવાબદારી 16 ટકા

એવું મનાઈ રહ્યું છે કે ભાજપ પાર્ટી નેતૃત્વમાં પેઢીગત ફેરફાર અને સત્તામાં શાંતિપૂર્ણ હસ્તાંતરણ ઈચ્છે છે.પરંતુ ફેરફારના રુપમાં રાજ્યમાં એવા નેતાઓની શોધ ક્યારેય સરળ નહીં રહે જે નિર્વિવાદ જન નેતા હોય. ભાજપને નેતૃત્વ પરિવર્તનની સાથે સંતુલન પણ બનાવશે, કેમ કે આ પગલુ ભરતા સમયે એ વાતનું ધ્યાન રાખવુ પડશે કે આ પગલાથી તેનો મૂળ મતદાતા આધાર વિશેષ કરીને વીરશૈવ લિંગાયત સમુદાય નાખુશ ન થઈ જાય જેના પર યેદિયુરપ્પાનો ખાસ પ્રભાવ છે.  એક અંદાજા મુજબ વીરશૈવ લિંગાયત સમુદાયની ભાગીદારી 16 ટકા છે. જે ભાજપના મૂળ મતદાતાનો આધાર છે. આ વર્ગ યેદિયુરપ્પાને બદલવાના પક્ષમાં નથી.