દેશ / G20 સમિટમાં સામેલ થવા ભારત નહીં આવે શી જિનપિંગ, લી કિયાંગ સંમેલનમાં થશે ભાગીદાર

• રાષ્ટ્રપતિ શિ જિનપિંગ દિલ્હીમાં થનારી G20માં જોડાશે નહીં
• ચીનનાં વિદેશમંત્રાલયનાં પ્રવક્તા માઓએ આપી માહિતી
• પ્રધાનમંત્રી લી ક્વિંગ કરશે ચીનનું પ્રતિનિધિત્વ

ચીનનાં રાષ્ટ્રપતિ શી જિનપિંગ આ વર્ષે નવી દિલ્હીમાં થવા જઈ રહેલી G20 સમિટમાં જોડાશે નહીં. તેમની જગ્યાએ ચીનનાં પ્રતિનિધિમંડળનું નેતૃત્વ પ્રધાનમંત્રી લી ક્વિંગ કરશે. ચીનનાં વિદેશમંત્રાલયનાં પ્રવક્તા માઓ નિંગે આ ઘોષણા કરતાં કહ્યું કે ભારત ગણરાજ્યની સરકારનાં આમંત્રણ પર રાજ્ય પરિષદનાં પ્રધાનમંત્રી લી ક્વિંગ 9-10 સપ્ટેમ્બરનાં નવી દિલ્હી, ભારતમાં આયોજિત થનારી 18મી જી20 સમિટમાં જોડાશે.

STORY | Chinese President Xi Jinping to skip G20 summit in Delhi

READ: https://t.co/CHqfGLoJXC

(PTI photo) pic.twitter.com/iMo7m9eywP

— Press Trust of India (@PTI_News) September 3, 2023

રાષ્ટ્રપતિ શિ જિનપિંગ તમામ સમ્મેલનોમાં હાજરી નહીં આપે
પ્રવક્તા માઓએ ભારતની મેજબાનીમાં પહેલીવખત આયોજિત થઈ રહેલ ઉચ્ચ સ્તરીય શિખર સમ્મેલનથી શી જિનપિંગની અનુપસ્થિતિનું કોઈ કારણ જણાવ્યું નથી. રાષ્ટ્રપતિ શી આ અઠવાડિયે જકાર્તામાં આસિયાન (દક્ષિણ પૂર્વ એશિયાઈ દેશોનાં સંઘ) અને પૂર્વી એશિયા શિખર સમ્મેલનમાં પણ શામેલ નહીં થાય. અત્રે ઉલ્લેખનીય છે કે ઈંડોનેશિયામાં આસિયાન શિખર સમ્મેલનમાં ચીનનાં પ્રધાનમંત્રી લી ચીનનું પ્રતિનિધિત્વ કરશે.

પ્રધાનમંત્રી લી જ કરશે દેશનું પ્રતિનિધિત્વ
ચીની વિદેશ મંત્રાલયનાં અન્ય એક પ્રવક્તા વાંગ વેનબિને 1 સપ્ટેમ્બરનાં ઘોષણા કરી હતી કે ઈંડોનેશિયાનાં રાષ્ટ્રપતિ જોકો વિડોડોનાં આમંત્રણ પર વર્તમાન આસિયાન અધ્યક્ષ, રાજ્ય પરિષદનાં પ્રધાનમંત્રી લી 5-8 સપ્ટેમ્બર સુધી ઈંડોનેશિયા, જકાર્તામાં થનાર 26માં ચીન-આસિયાન શિખર સમ્મેલન, 26માં આસિયાન પ્લસ થ્રી શિખર સમ્મેલન અને 18મી પૂર્વી એશિયા શિખર સમ્મેલનમાં જોડાશે.