શું હું રાવણ છું ? / WFI ચીફ બૃજભૂષણ સિંહે ફરી પહેલવાનો પાસે માંગ્યા પૂરાવા, કહ્યું ગુનો સાબિત થશે તો ફાંસીએ લટકી જઈશ

• છેલ્લા બે અઠવાડિયાથી ભારતીય કુસ્તીબાજોનો દિલ્હીના જંતર-મંતર પર વિરોધ
• WFIના વડા બ્રિજભૂષણ શરણ સિંહ વિરુદ્ધ જાતીય સતામણીનો આરોપ લગાવ્યો
• એક પણ આરોપ સાબિત થશે તો હું પોતાને ફાંસી આપી દઈશ : બ્રિજભૂષણ

છેલ્લા બે અઠવાડિયાથી ભારતીય કુસ્તીબાજો દિલ્હીના જંતર-મંતર પર WFIના વડા બ્રિજભૂષણ શરણ સિંહ વિરુદ્ધ જાતીય સતામણીનો વિરોધ કરી રહ્યાં છે. આ દરમિયાન હવે બ્રિજ ભૂષણે એક વીડિયો જાહેર કર્યો છે. તેનું કહેવું છે કે જો તેની પર એક પણ આરોપ સાબિત થશે તો તે પોતાને ફાંસી આપી દેશે.

હું જે લડી રહ્યો છું તે તમારા જુનિયર બાળકો માટેની લડાઈ છે

બ્રિજ ભૂષણ સિંહે કહ્યું કે તેમની વાત લોકો સુધી પણ પહોંચવી જોઈએ. આ જ કારણ છે કે તે આ વીડિયો બનાવી રહ્યો છે. તેણે કહ્યું કે 'આ ખેલાડીઓ જે મારા પર મારા પોતાના બાળકો આરોપ લગાવી રહ્યા છે, આ ખેલાડીઓ એ પણ નથી કહી શકતા કે તે કયો દિવસ હતો અને કઈ તારીખે. હું જે લડી રહ્યો છું તે તમારા જુનિયર બાળકો માટે છે. આ ભૂતકાળના કુસ્તીબાજોને બધું જ મળ્યું છે પરંતુ જેઓ ગરીબ પરિવારના બાળકો છે, હું તેમને કહેવા માંગુ છું કે આ લડાઈ તમારા બાળકો માટે છે.

12 વર્ષમાં મેં કોઈ બાળકને ખરાબ નજરે જોયું નથી

બ્રિજ ભૂષણે કહ્યું કે 'કોઈ પણ છોકરી જે રેસલિંગ કરે છે તેને પૂછવું જોઈએ કે શું આ આરોપો સાચા છે અને જો તે હા કહે છે, તો પછી તમે જે ઈચ્છો તે કરો. આ મામલાની તપાસ પૂરી થશે, કારણ કે હું મારી જાતને જાણું છું. 12 વર્ષમાં મેં કોઈ બાળકને ખરાબ નજરે જોયું નથી. હું ચાર મહિનાથી લોકોની અત્યાચારો સાંભળી રહ્યો છું. પહેલા દિવસે પણ મેં એ જ કહ્યું હતું કે એક પણ આરોપ સાબિત થશે તો મને ફાંસી થશે, આજે પણ હું એ જ કહું છું. તેમણે કહ્યું કે દિલ્હી પોલીસ આ મામલાની તપાસ કરી રહી છે, તેથી તે અત્યારે આ મામલે વધારે બોલી શકે તેમ નથી. તેણે કુસ્તીબાજોને પુરાવા બતાવવા કહ્યું. જ્યારે પણ તપાસનો રિપોર્ટ આવે ત્યારે એવું ન થવું જોઈએ કે જે લોકોએ કુસ્તીબાજોનું સમર્થન કર્યું તેમને પસ્તાવો કરવો પડે.