વર્લ્ડ હેલ્થ ડે / તમે બ્રુગાડા સિન્ડ્રોમના શિકાર તો નથીને? હસતાં-ફરતા માણસનું થઈ જાય છે મોત, આ લક્ષણો દેખાય તો એલર્ટ

• હાર્ટ એટેક આવતા જ મૃત્યુ શા માટે થાય છે?
• હ્રદયની બિમારીના અનેક કારણ હોઈ શકે છે.
• બ્રુગાડા સિન્ડ્રોમના કારણે લોકોનું અચાનક મૃત્યુ.

છેલ્લા ઘણા સમયથી હાર્ટ અટેકના કેસ વધી રહ્યા છે. અનેક એવા કેસ સામે આવ્યા છે કે, જે લોકો પોતાના આરોગ્યનું ધ્યાન રાખે છે, તે લોકોનું હાર્ટ અટેક પછી મૃત્યુ થયું છે. અનેક ફિટ અભિનેતાઓનું મૃત્યુ થવાના કેસ પણ સામે આવ્યા છે. હરતા ફરતા લોકોને હાર્ટ એટેક આવતા તેનું મૃત્યુ થાય છે, જેના અનેક કારણ હોઈ શકે છે. એક કે તેથી વધુ આનુવંશિક અસાધારણતાને કારણે બ્રુગાડા સિન્ડ્રોમ થાય છે, જેના કારણે કાર્ડિયાક કોષોને અસર થાય છે. અસામાન્ય જેનેટીક્સ ધરાવતા દરેકને તે જ રીતે અસર થતી નથી. તમે રોજ કસરત કરો છો, તેનો એ અર્થ બિલકુલ પણ નથી કે, તમારું હાર્ટ એકદમ સ્વસ્થ છે. હ્રદયની બિમારીના અનેક કારણ હોઈ શકે છે, જેના કારણે હાર્ટ એટેક આવતા લોકોનું મૃત્યુ થઈ જાય છે. બ્રુગાડા સિન્ડ્રોમના કારણે લોકોનું અચાનક મૃત્યુ થતું હોવાનું સામે આવ્યું છે. 

બ્રુગાડા સિન્ડ્રોમના લક્ષણો (Brugada Syndrome symptoms)

બ્રુગાડા સિન્ડ્રોમના ખાસ લક્ષણો જોવા મળતા નથી. અનેક લોકોમાં આ બિમારીના લક્ષણો બિલકુલ પણ જોવા મળતા નથી, તે છતાં તેમનું મૃત્યુ થઈ જાય છે. 

• ચક્કર આવવા
• બેભાન થઈ જવું
• શ્વાસ ચડવો, રાત્રે શ્વાસ લેવામાં તકલીફ થવી
• હ્રદયના ધબકારા અનિયમિત હોવા
• હ્રદયના ધબકારા તેજ થવા

બ્રુગાડા સિન્ડ્રોમ વિશે જાણવા માટે ઇલેક્ટ્રો કાર્ડિયોગ્રામ (ECG) કરવામાં આવે છે. ECGમાં એક સિમ્પલ પેટર્ન હોય છે, જેના બ્રુગાડા પેટર્ન કહે છે. આ બિમારી કોને છે, તે ECGથી જાણવા મળે છે. બ્રુગાડા એક ગંભીર બિમારી છે, જેના કારણે હ્રદય પર અસર થાય છે. આ બિમારીના કારણે હરતા ફરતા લોકો મોતને ભેટી જાય છે. 

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.