ઉછાળો / વર્લ્ડ કપમાં આ જાણીતી કંપનીને ખૂબ ભાલો.! ,એક સપ્તાહમાં 7100 કરોડ રૂપિયાની કરી જંગી આવક, હાલ સુધીમાં 146% આપ્યું રિર્ટન

• વર્લ્ડ કપ દરમિયાન ઝોમેટોના શેરમાં 8 ટકાનો વધારો
• ઝોમેટોના શેરમાં જબરદસ્ત વધારો
• વર્લ્ડ કપ દરમિયાન ફૂડ ડિલિવરીની માંગમાં વધારો

વર્લ્ડ કપની સિઝન ચાલી રહી છે. આ સિઝન ફૂડ ડિલિવરી કંપની ઝોમેટોને ખૂબ ફળી છે. વર્લ્ડ કપ દરમિયાન આ કંપનીના શેરમાં જબરદસ્ત ઉછાળો આવ્યો છે. ક્રિકેટ વર્લ્ડ કપના પ્રારંભની સાથે જ ઝોમેટોના શેર વધ્યા બાદ આજ સુધીમાં 8 ટકાથી વધુનો વધારો જોવા મળ્યો છે. બુધવારના ટ્રેડિંગ સેશન દરમિયાન કંપનીનો શેર 52 વિકના હાઈ પર પહોંચી ગયો છે. હજુ પણ ઝોમેટોના શેર દોડે તેવો જાણકારો દાવો કરી રહ્યા છે. આગામી દિવસોમાં કંપનીના શેરમાં વધુ 8 ટકાનો વધારો થઈ શકે છે.  ખાસ કારણ એ છે કે વર્લ્ડ કપ દરમિયાન ફૂડ ડિલિવરીની માંગ વધતી હોય છે. તેમાં પણ વર્લ્ડ કંપની મેચોમાં ભારતમાં હોવાથી આ દિવસોમાં શેરમાં વધુ ગતિ જોવા મળી રહી છે.

Zomato શેર હજુ પણ વધે તેવો દાવો

આજની વાત કરવામાં આવે તો Zomatoના શેરમાં 2 ટકા ઉપરાંતનો વધારો નોંધાયો હતો. માહિતી અનુસાર, બોમ્બે સ્ટોક એક્સચેન્જ પર કંપનીના શેર 3.15 મિનિટમાં 2.50 ટકાના વધારા સાથે રૂ. 108.75 પર ટ્રેડ કરી રહ્યા છે. મહત્વનું છે કે કંપનીના શેર રૂ. 106.90 પર નજીવા વધારા સાથે ખુલ્યા બાદ એક દિવસ અગાઉ કંપનીના શેર રૂ. 106.10 પર બંધ થયા હતા. હાલના ઉછાળા સાથે ઝોમોટોના શેર 52 સપ્તાહની ઊંચી સપાટીને આંબી ગયો છે. હવે આ શેર રેકોર્ડ સર્જે તેવા જાણકારો અણસાર વર્તાવી રહ્યા છે. હાલ કંપનીના શેરોએ રોકાણકારોને 146 ટકા વળતર આપી દેતા રોકાણકારો રાજીના રેડ થયા છે.

કંપનીનું માર્કેટ કેપ રૂ. 1 લાખ કરોડને પાર થઈ શકે છે
વર્લ્ડ કપને પગલે 5 થી 11 ઓક્ટોબર વચ્ચેના 5 ટ્રેડિંગ દિવસોમાં કંપનીના શેરમાં 8 ટકાથી વધુનો વધારો થયો છે અને કંપનીના વેલ્યુએશનમાં રૂ. 7,142 કરોડનો જંગી વધારો નોંધાયો છે. જ્યારે 4 ઓક્ટોબરના રોજ બજારના ક્લોઝિંગ સમયે 100 રૂપિયાના સ્તરે શેર હતા અને આ વખતે કંપનીનું માર્કેટ કેપ 86,689.79 કરોડ રૂપિયા હતું. આજે કંપનીનું માર્કેટ કેપ રૂ. 93,831.48 કરોડને આંબી ગયું છે. તો નિષ્ણાતોનું માનીએ તો આગામી થોડા દિવસોમાં કંપનીનું માર્કેટ કેપ રૂ. 1 લાખ કરોડને પાર થઈ શકે છે.