World Cup 2023 / VIDEO: ચાલુ મેચની વચ્ચે જ નમાઝ પઢવા લાગ્યો પાકિસ્તાનનો આ ખેલાડી, વીડિયો વાયરલ થતાં લોકોએ પૂછ્યું- ધોનીએ તો સેનાના ગલ્વ્સ પહેર્યા તો પણ કાર્યવાહી થયેલી

• પાકિસ્તાનના વિકેટકીપરનો વીડિયો વાયરલ
• મોહમ્મદ રિઝવાને ચાલુ મેચમાં અદા કરી નમાઝ 
• વર્લ્ડ કપ મેચનો છે આ વીડિયો 

પાકિસ્તાને જીતની સાથે વર્લ્ડ કપ 2023ની શરૂઆત કરી છે. નેધરલેન્ડની સામે પોતાની પહેલી મેચને પાકિસ્તાને 81 રનોથી પોતાના નામે કરી છે. મેચમાં નેધરલેન્ડે પાકિસ્તાનને શાનદાર ટક્કર આપી છે. 

પહેલા તો પાકિસ્તાનને 286 પર ઓલઆઉટ કરી દીધું હતું. એક સમય નેધરલેન્ડનો સ્કોર 120 રન પર બે વિકેટ હતો. પરંતુ અનુભવની કમી વાળી આ ટીમની ઈનિંગ બગડી અને પાકિસ્તાનના ખાતામાં મેચ પહોંચી ગઈ. 

#WATCH : Mohammad Rizwan intentionally does this when there are Indians watching him. During T20 World Cup 2021, India vs Pakistan match he has offers ‘Namaz’ in ground during drink break. #MohammadRizwan #Pakistan #PAKvNED #namaz #INDVSPAK #icccricketworldcup2023 #ICCWorldCup pic.twitter.com/a0NAz4JvkZ

— Ravi Pandey🇮🇳 (@ravipandey2643) October 6, 2023

રિઝવાનને મેદાન પર અદા કરી નમાઝ? 
પાકિસ્તાની વિકેટકીપર બેટ્સમેન ક્રિકેટની સાથે જ અન્ય કારણોથી પણ હંમેશા ચર્ચામાં રહે છે. હાલ તે મેદાન પર નમાઝ અદા કરવાના કારણે ચર્ચામાં આવ્યા છે. ઘણી વખત તેમણે મેદાન પર નમાઝ અદા કરી છે. 2021 ટી20 વર્લ્ડ કપમાં ભારતના સામેની મેચમાં તેમણે નમાઝ અદા કરી હતી.

હવે ભારતમાં થઈ રહેલા વર્લ્ડ કપમાં પણ રિઝવાને આમ કર્યું છે. સોશિયલ મીડિયા પર વાયરલ વીડિયોમાં તેનો દાવો કરવામાં આવી રહ્યો છે. વીડિયો નેધરલેન્ડની સામેની મેચનો જણાવવામાં આવી રહ્યો છે. 

ડ્રિંક્સ બ્રેક વખતે નમાઝ પઢી
નેધરલેન્ડની ઈનિંગ વખતે મોહમ્મદ રિઝવાને નમાઝ અદા કરી. વીડિયોમાં એવું લાગી રહ્યું છે કે ડ્રિંક્સ બ્રેક છે. પાકિસ્તાની ટીમના અન્ય ખેલાડી એક તરફ ઉભા છે. ત્યાં જ રિઝવાન પોતાના પેડ અને શૂઝ ઉતારીને નમાઝ અદા કરી રહ્યા છે. સોશિયલ મીડિયા પર તેનો વીડિયો ખૂબ જ ઝડપથી વાયરલ થઈ રહ્યો છે.