World Cup 2023 / ફાઇનલ જીતવાનો દાવો મજબૂત પણ ઑસ્ટ્રેલિયા સામે જાણો ક્યાં ક્યાં નબળી પડી શકે છે ટીમ ઈન્ડિયા, રાખવી પડશે સાવચેતી

• વર્લ્ડ કપમાં ભારતીય ખેલાડીઓ શાનદાર પ્રદર્શન કરી રહ્યા છે
• અમુક કિસ્સાઓમાં ભારતીય ટીમ ઓસ્ટ્રેલિયા સામે નબળી પડી શકે છે
• વર્લ્ડકપની ફાઈનલ મેચમાં ઓસ્ટ્રેલિયાનો દબદબો જોવા મળી રહ્યો છે

ટીમ ઇન્ડિયાએ વર્લ્ડ કપ 2023માં અત્યાર સુધી જે રીતે પ્રદર્શન કર્યું છે તે ખુબ જ સરાહનીય છે. બેટિંગથી લઈને બોલિંગ સુધી દરેક પાસામાં ભારતીય ખેલાડીઓ શાનદાર પ્રદર્શન કરી રહ્યા છે. સૌથી મહત્વની વાત એ છે કે ટીમ ઈન્ડિયાના પ્લેઈંગ-11ના તમામ ખેલાડીઓએ અત્યાર સુધી પોતાનું શ્રેષ્ઠ પ્રદર્શન કરી રહી છે. આવી સ્થિતિમાં વર્લ્ડકપની ફાઈનલ મેચમાં ઓસ્ટ્રેલિયાનો દબદબો જોવા મળી રહ્યો છે. જો કે કેટલાક એવા કિસ્સાઓ છે જેમાં ભારતીય ટીમ ઓસ્ટ્રેલિયા સામે નબળી પડી શકે છે.

The #CWC23 Finalists are confirmed 🙌🏻

India 🆚 Australia

🏟️ Narendra Modi Stadium, Ahmedabad 👌🏻#TeamIndia | #MenInBlue pic.twitter.com/QNFhLjbJZV

— BCCI (@BCCI) November 16, 2023

બેટિંગમાં અમુક પાસા નબળા પડી શકે છે 
ટીમ ઈન્ડિયાનો ટોપ-7 સુધીનો બેટિંગ ઓર્ડર બેસ્ટ છે પરંતુ તે પછી કોઈ એવો ખેલાડી નથી જે બેટિંગ કરી શકે. બુમરાહે ચોક્કસપણે કેટલીક મેચોમાં સારી બેટિંગ કરી છે પરંતુ કુલદીપ, શમી અને સિરાજ પાસેથી વધુ અપેક્ષા રાખી શકાય નહીં. 

હવે જોવા જઈએ તો તેનાથી ઉલટું ઓસ્ટ્રેલિયા ટીમના 9મા ક્રમ સુધીના ખેલાડીઓ સારી બેટિંગ કરી શકે છે. મિશેલ સ્ટાર્ક 9મા નંબર પર બેટિંગ કરવા માટે આવે છે અને તેણે ઘણી વખત તેના બેટથી કાંગારૂ ટીમને જીત અપાવી છે. સેમિફાઇનલ મેચમાં પણ ઓસ્ટ્રેલિયાના 8મા અને 9મા ક્રમના બેટ્સમેનોએ ટીમને દક્ષિણ આફ્રિકા સામે જીત અપાવી હતી.

🏟️ The Narendra Modi Stadium.

One day to go! 😍#CWC23 pic.twitter.com/UD4v94q9H5

— ICC (@ICC) November 18, 2023

મોહમ્મદ સિરાજ ફાઈનલમાં બની શકે છે ખતરો 
મોહમ્મદ સિરાજ છેલ્લા બે વર્ષથી ODI ક્રિકેટમાં ભારત માટે મજબૂત બોલિંગ કરી રહ્યો છે. પરંતુ આ વર્લ્ડ કપમાં તેની ધાર થોડી નબળી પડી છે. બુમરાહ અને શમીની સરખામણીમાં તે ઘણો પાછળ છે. જો કે સિરાજ પોતાનું કામ સારી રીતે કરી રહ્યો છે પરંતુ તેના શ્રેષ્ઠ ન હોવાને કારણે તે પોતે કેટલાક દબાણમાં હોય તેવું લાગી રહ્યું છે. કાંગારૂ બેટ્સમેન આનો ફાયદો ઉઠાવી શકે છે.

A dominant unbeaten run to the #CWC23 Final 🏆

More 👉https://t.co/87H9ohBuf1 pic.twitter.com/kK45kx4k96

— ICC (@ICC) November 18, 2023

ટીમ ઇન્ડિયાની નબળી ફિલ્ડીંગ પડી શકે છે ભારે 
મોહમ્મદ શમીએ સેમિફાઇનલમાં કેન વિલિયમસનનો આસાન કેચ છોડી દીધો હતો. ટીમ ઈન્ડિયા માટે આ કેચ ડ્રોપ મોંઘો પડી શકે છે. આ સિવાય આ વર્લ્ડકપમાં ભારતીય ટીમ ઘણી વખત બાઉન્ડ્રી બચાવવાની તકો ગુમાવતી જોવા મળી છે. ભારતીય ટીમે ફાઇનલ મેચમાં નબળી ફિલ્ડિંગથી બચવું પડશે. જો કે આ ટૂર્નામેન્ટમાં ઓસ્ટ્રેલિયાની ફિલ્ડિંગ કંઈ ખાસ જોવા મળી નથી, પરંતુ કાંગારૂઓએ મેચ દ્વારા તેમની ફિલ્ડિંગમાં સુધારો કર્યો છે.