India-Maldives Row / માલદીવમાં તૈનાત ભારતીય જવાનોના સ્થાને હવે કોણ? વિદેશ મંત્રાલયે કરી સ્પષ્ટતા

• ભારત-માલદીવ વિવાદ વચ્ચે મોટા સમાચાર, નવી દિલ્હીએ કરી પુષ્ટિ
• ટાપુ દેશમાં વર્તમાન કર્મચારીઓને "સક્ષમ ભારતીય તકનીકી કર્મચારીઓ" સાથે બદલવામાં આવશે
• વિદેશ મંત્રાલયે આ શબ્દનો અર્થ સમજાવવાનો ઈન્કાર કર્યો

India-Maldives Row : ભારત-માલદીવ વિવાદ વચ્ચે મોટા સમાચાર સામે આવ્યા છે. ભારત અને માલદીવ વચ્ચેની બીજી ઉચ્ચ સ્તરીય બેઠકના દિવસો પછી નવી દિલ્હીએ પુષ્ટિ કરી છે કે, ટાપુ દેશમાં વર્તમાન કર્મચારીઓને "સક્ષમ ભારતીય તકનીકી કર્મચારીઓ" સાથે બદલવામાં આવશે. જોકે વિદેશ મંત્રાલયે આ શબ્દનો અર્થ સમજાવવાનો ઈન્કાર કર્યો હતો. આ વર્ષના બજેટમાં માલદીવને સહાયની ફાળવણી અંગેના વિરોધાભાસી અહેવાલો બાદ વિદેશ મંત્રાલયના પ્રવક્તા રણધીર જયસ્વાલે પણ ગુરુવારે સ્પષ્ટતા કરી હતી કે, નવા આંકડાઓ સુધારી શકાય છે અને ભારત ટાપુ રાષ્ટ્રનો "મહત્વપૂર્ણ વિકાસ ભાગીદાર" છે.

માલદીવના વિશાળ દરિયાઈ ક્ષેત્રમાં ત્રણ એરક્રાફ્ટ ચલાવવા માટે ભારત પાસે તબીબી સ્ટાફ સહિત લગભગ 80 કર્મચારીઓ છે. ગયા વર્ષે રાષ્ટ્રપતિની ચૂંટણી દરમિયાન માલદીવના રાષ્ટ્રપતિ મોહમ્મદ મુઈઝુનો મુખ્ય મુદ્દો ભારતીય દળોને દેશમાંથી બહાર કાઢવાનો હતો. ગયા અઠવાડિયે નવી દિલ્હીમાં થયેલી બેઠક પછી માલદીવે એક નિવેદન જારી કરીને દાવો કર્યો હતો કે, બંને પક્ષો એ વાત પર સહમત થયા છે કે, ભારત ત્રણ ઉડ્ડયન પ્લેટફોર્મમાંથી એકમાં 10 માર્ચ સુધી અને બીજામાં 10 મે સુધીમાં લશ્કરી કર્મચારીઓની બદલી કરશે.

ભારતે સૈનિકો પાછા ખેંચવાનો કોઈ ઉલ્લેખ ન કર્યો  
જો કે ભારતે સૈનિકો પાછા ખેંચવાનો કોઈ ઉલ્લેખ કર્યો નથી પરંતુ ભારતીય પક્ષે કહ્યું કે, બેઠક દરમિયાન બંને પક્ષોએ ભાગીદારીને વધારવા માટેના પગલાંની ઓળખ કરવા તરફ દ્વિપક્ષીય સહયોગથી સંબંધિત વિવિધ મુદ્દાઓ પર તેમની ચર્ચાઓ ચાલુ રાખી. બંને પક્ષો માલદીવના લોકોને માનવતાવાદી અને તબીબી સેવાઓ પૂરી પાડતા ભારતીય ઉડ્ડયન પ્લેટફોર્મના સતત સંચાલન માટે પરસ્પર વ્યવહારુ ઉકેલો માટે પણ સંમત થયા હતા એમ વિદેશ મંત્રાલયે જણાવ્યું હતું.

વધુ વાંચો: વૈજ્ઞાનિક MS સ્વામીનાથન તથા પૂર્વ PM ચૌધરી ચરણ સિંહ અને નરસિમ્હા રાવને અપાશે 'ભારત રત્ન', મોદી સરકારનું મોટું એલાન

વિદેશ મંત્રાલયના પ્રવક્તાએ શું કહ્યું ? 
જ્યારે માલદીવ માટે સહાયની ફાળવણી વિશે પૂછવામાં આવ્યું ત્યારે જયસ્વાલે કહ્યું કે કેટલાક લોકોના મતે બજેટની ફાળવણીમાં ઘટાડો થયો છે જ્યારે કેટલાક લોકોનું કહેવું છે કે તેમાં વધારો થયો છે. તેમણે કહ્યું, 'શું થાય છે કે અમુક રકમ ફાળવવામાં આવે છે અને પછી એક રિવિઝન સ્ટેજ આવે છે... આવી સ્થિતિમાં તમે જોશો કે આ વખતે માલદીવ માટે 779 કરોડ રૂપિયાનું બજેટ આપવામાં આવ્યું છે જ્યારે પહેલા તેનો અંદાજ 600 કરોડ રૂપિયા હતો, તેથી તે ખરેખર વધી ગયો છે. જયસ્વાલે કહ્યું,"અમે માલદીવ માટે મહત્વપૂર્ણ અને પ્રતિબદ્ધ વિકાસ ભાગીદાર છીએ.