મધ્યપ્રદેશ / કોણ છે નેપાળી બાબા? જેમણે 2016માં જ મોહન યાદવને આપ્યા હતા CM બનવાના આશીર્વાદ, 80 હજાર લોકોને મફત ભોજન આપીને થયા હતા જાણીતા

• મોહન યાદવને એમપીના નવા સીએમ બનાવવામાં આવ્યા છે
• લોકોએ કહ્યું સીએમ બનવા પાછળ અયોધ્યાના નેપાળી બાબાના આશીર્વાદ 
• નેપાળી બાબાએ 2016માં ઉજ્જૈનના મહાકુંભ દરમિયાન ભવિષ્યવાણી કરી હતી

છત્તીસગઢ બાદ ગઈકાલે મધ્યપ્રદેશને પણ તેના મુખ્યમંત્રી મળી ગયા છે. મોહન યાદવ મધ્યપ્રદેશના નવા સીએમ બનશે. સોમવારે જ્યારે બીજેપીએ તેમના નામની જાહેરાત કરી તો બધાને આશ્ચર્ય થયું. જો કે, ઘણા લોકો માને છે કે તેની પાછળ અયોધ્યાના નેપાળી બાબાના આશીર્વાદ છે. એવામાં ચાલો જાણીએ કે કોણ છે આ નેપાળી બાબા.. 

અયોધ્યાના નેપાળી બાબા કોણ છે?
નેપાળી બાબા ઉર્ફે આત્માનંદ દાસ સ્વામી યુપીના અયોધ્યામાં રહે છે. અહીં તેમણે રામઘાટમાં સીતારામ આશ્રમની સ્થાપના કરી છે. રાજકારણમાં તેઓ ભાજપના સમર્થક ગણાય છે. તાજેતરમાં એમને મોદીને રામનો અવતાર અને યોગી આદિત્યનાથને લક્ષ્મણ ગણાવ્યા હતા. તેઓ તાજેતરમાં રામ મંદિરમાં રામ લલ્લાના અભિષેક માટે આવતા 50 લાખ સંતોને ભોજન કરાવવાની જાહેરાતને કારણે પણ ચર્ચામાં છે.

નેપાળી બાબાએ સીએમ બનવાના આશીર્વાદ આપ્યા હતા
નોંધનીય છે કે અયોધ્યાના નેપાળી બાબાએ 2016માં ઉજ્જૈનના મહાકુંભ દરમિયાન જ ભવિષ્યવાણી કરી હતી કે મોહન યાદવ મુખ્યમંત્રી બનશે. મોહન યાદવ નેપાળી બાબાના શિષ્ય છે. એક રિપોર્ટ અનુસાર ઉજ્જૈનના મહાકુંભમાં નેપાળી બાબાએ 80 હજાર લોકોને મફત ભોજન કરાવ્યું હતું. આ સમય દરમિયાન સિંહસ્થ કુંભમાં બાબા દ્વારા આયોજિત રામ નામ જાપ મહાયજ્ઞમાં મોહન યાદવ મુખ્ય યજમાન રહ્યા હતા અને ત્યારબાદ નેપાળી બાબાએ તેમને રાજ્યના સીએમ બનવાના આશીર્વાદ આપ્યા હતા .

નેપાળી બાબાનું નામ કેવી રીતે પડ્યું
આત્માનંદ દાસ સ્વામી ઉર્ફે નેપાળી બાબાના નામ પરથી ઘણા લોકોને એવું થતું હશે કે તેઓ અયોધ્યાના રહેવાસી છે પરંતુ એવું નથી. નેપાળી બાબા અયોધ્યાના છે. તેમણે કહ્યું કે નેપાળમાં ભગવાન શ્રી રામે જ્યાં શિવધનુષ તોડ્યું તેણે ધનુષ ધામ કહેવામાં આવે છે અને ત્યાં જ એમને આશ્રમની સ્થાપના કરી છે, આ બાદ જ્યારે તે નેપાળ છોડવા લાગ્યા ત્યારે સ્થાનિક લોકોએ તેને અહીંથી ન જવાની વિનંતી કરી અને અંતે કહ્યું કે જો તમે જતા હોવ તો નેપાળને તમારી સાથે લઈ જાઓ. આ રીતે એમનું નામ નેપાળી બાબા પડ્યું હતું.