ધર્મ / શિવકૃપા મેળવવા ઘરની આ દિશામાં લગાવો શિવજીની પ્રતિમા, પણ આ બાબતોનું રાખવુ ખાસ ધ્યાન

• શિવજીની ઘરમાં હોવી જોઇએ પ્રતિમા
• કઇ દિશામાં લગાવાય શિવજીનો ફોટો
• કઇ દિશા વાસ્તુ પ્રમાણે સાચી ?

જીવનમાં સુખ, સમૃદ્ધિ અને પ્રગતિમાં વાસ્તુશાસ્ત્રના ઉપાયો ખૂબ જ મદદરૂપ માનવામાં આવે છે. વાસ્તુશાસ્ત્રમાં આવા ઘણા ઉપાયો જણાવવામાં આવ્યા છે, જેને અપનાવીને તમે સુખી જીવન જીવી શકો છો. વાસ્તુશાસ્ત્ર અનુસાર ઘરમાં ભગવાનની તસવીર કે મૂર્તિ રાખવાથી સકારાત્મક ઉર્જા આવે છે. ઘરમાં દેવી-દેવતાઓની મૂર્તિઓ રાખવાથી સુખ-સમૃદ્ધિ આવે છે. હિંદુ ધર્મના તમામ દેવતાઓમાં ભગવાન શિવને સર્વોચ્ચ માનવામાં આવે છે.

શિવની કૃપાથી મોટામાં મોટા સંકટ પણ ટળી શકે છે. આવી સ્થિતિમાં શિવની મૂર્તિ ઘરમાં સ્થાપિત કરવી જોઈએ. આવો જાણીએ કે ઘરમાં ભગવાન શિવની મૂર્તિ સ્થાપિત કરતી વખતે કઈ બાબતોનું ધ્યાન રાખવું જોઈએ.

શિવની મૂર્તિ કઈ દિશામાં રાખવી જોઈએ?

• ઘરમાં શિવનું ચિત્ર અવશ્ય લગાવવું જોઈએ, પરંતુ એ જાણવું પણ જરૂરી છે કે ઘરમાં ભગવાન શિવનું ચિત્ર કઈ દિશામાં લગાવવું જોઈએ. ભગવાન શિવની પ્રિય દિશા ઉત્તર છે અને આ દિશામાં તેમનો વાસ કૈલાસ પર્વત છે. તેથી ઘરમાં ભગવાન શિવનું ચિત્ર લગાવવા માટે ઉત્તર દિશા પસંદ કરવી જોઈએ. આ દિશામાં ચિત્ર લગાવવાથી શુભ ફળ મળે છે.
• ભગવાન શિવનું એવું ચિત્ર ઉત્તર દિશામાં લગાવો, જેમાં તેઓ શાંત અને ધ્યાન કરતા હોય અથવા નંદી પર બેઠા હોય. આ સિવાય ભગવાન શિવની તસવીર એવી જગ્યાએ રાખવી જોઈએ, જ્યાંથી દરેક વ્યક્તિ તેમને જોઈ શકે.

શિવની પારિવારિક પ્રતિમા

આ સિવાય તમે શિવની એવી તસવીર પણ લગાવી શકો છો જેમાં તે પોતાના આખા પરિવાર સાથે બેઠા હોય. સાથે જ એ વાતનું પણ ધ્યાન રાખવું જોઈએ કે શિવની એવી તસવીર ઘરમાં ન લગાવવી જોઈએ, જેમાં તે ક્રોધની સ્થિતિમાં હોય અથવા તેણે પોતાના ક્રોધનું સ્વરૂપ ધારણ કર્યું હોય. આ ઘરની સુખ-શાંતિ માટે સારું નથી.