ટેક્નિક ટિપ્સ / વૉશિંગ મશીન વાપરનારા એલર્ટ! ડિટર્જન્ટ યુઝ કરતા પહેલાં આટલી બાબતો ખાસ ધ્યાનમાં રાખજો, નહીં તો પસ્તાશો

• વૉશિંગ મશીન વાપરનારા એલર્ટ! 
• જાણી લે કેટલો નાખવો જોઈએ ડિટર્જન્ટ? 
• આટલી બાબતો ખાસ ધ્યાનમાં રાખજો

સામાન્ય રીતે હવે મોટાભાગના ઘરોમાં કપડાં ધોવા માટે વોશિંગ મશીનનો ઉપયોગ કરવામાં આવે છે. તેની સાથે જોડાયેલી બેસિક જાણકારી સામાન્ય રીતે દરેક વ્યક્તિ જાણે છે. પરંતુ આટલું પુરતુ નથી. કારણ કે તેના ઉપરાંત પણ ઘણી એવી જરૂરી વાતો છે જે મશીનને લાંબા સમય સુધી ચલાવવા અને કપડાને સારી રીતે સાફ કરવા માટે જરૂરી છે. મશીનમાં કેટલો ડિટર્જન્ટ નાખવો જોઈએ? એવી જ એક મહત્વપૂર્ણ જાણકારી છે જેની ખબર દરેક લોકોને હોવી જોઈએ. 

મશીન માટે ડિટર્જન્ટ છે પરફેક્ટ
વોશિંગ મશીનમાં હંમેશા લિક્વિડ ડિટર્જન્ટ જ યુઝ કરવો જોઈએ. કારણ કે તેને ખાસ મશીન વોશ માટે જ ડિઝાઈન કરવામાં આવ્યું છે. સાથે જ પાણીમાં તે જલ્દી ઓગળી જાય છે જેથી કપડાની સફાઈ પાઉડર ડિટર્જન્ટ કરતા વધારે સારી રીતે કરી શકે છે. 

કપડા ધોવા માટે ફક્ત આટલો ડિટર્જન્ટ જરૂરી
વધારે ગંદા કપડાને સાફ કરવા માટે વધારે ડિટર્જન્ટ વપરાય તે જરૂરી નથી. કપડાને સાફ કરવા માટે કેટલો ડિટર્જન્ટ જરૂરી છે તે મશીનના લોડ સાઈઝ પર નિર્ભર કરે છે. જેમકે 2-4 કિલો વાળા મશીનમાં 1 ચમચી, 4-6 કિલો વાળા મશીનમાં 1.5-2 ચમચી અને 7-8 કિલો વાળા મશીનમાં 2-3 ચમચી ડિટર્જન્ટ નાખવાની જરૂર પડે છે. 

ડિટર્જન્ટ પાઉડર વાપરતી વખતે આ વાતો રાખો યાદ 
જો તમારી પાસે ડિટર્જન્ટ પાઉડર યુઝ કરવા શિવાય કોઈ ઓપ્શન નથી તો મશીનમાં તેને નાખતી વખતે અમુક વાતોનું ધ્યાન રાખો. જેમ તે પેકેજીંગ પર કેટલા પ્રમાણમાં ડિટર્જન્ટ યુઝ કરવાની સલાહ આપવામાં આવી છે. ચમચીથી માપીને પાઉડર નાખો અને જો ટોપ લોડર મશીન છે તો તેને કપડા નાખ્યા પહેલા સીધો ડ્રમમાં નાખો. ત્યાં જ ફ્રંટ લોડ મશીનમાં ડિટર્જન્ટ પાઉડરને ડ્રાવરમાં નાખો.