કોરોના વાયરસ / આ રાજ્યમાં ત્રણ દિવસ સંપૂર્ણ લોકડાઉનની જાહેરાત, 20 સપ્ટે. સુધી શાળા-કૉલેજ બંધ

• શાળા કોલેજને 20 સપ્ટેમ્બર સુધી બંધ રાખવા આદેશ
• 7, 11 અને 12 સપ્ટેમ્બરે સંપૂર્ણ લોકડાઉન 
• PM કેયર્સ ફંડના પૈસા રાજ્યોને આપી દેવા જોઈએ : મમતા 

શૈક્ષણિક સંસ્થાનો બંધ રાખવા આદેશ

દેશમાં કોરોના વાયરસનો કહેર સતત વધી રહ્યો છે અને દરરોજ કોરોના વાયરસનાં નવા કેસ સામે આવી રહ્યા છે. એવામાં પશ્ચિમ બંગાળમાં 20 સપ્ટેમ્બર સુધી શૈક્ષણિક સંસ્થાનો બંધ રાખવા આદેશ આપ્યા છે.  

શાળા કોલેજને 20 સપ્ટેમ્બર સુધી બંધ

કોરોના વાયરસના કારણે કેટલાય મહિનાથી શાળા અને કૉલેજ દેશભરમાં બંધ છે અને સામે કોરોના વાયરસનું સંકટ પણ સતત વધી જ રહ્યું છે જેને ધ્યાનમાં રાખીને સરકારે રાજ્યમાં શાળા કોલેજને 20 સપ્ટેમ્બર સુધી બંધ રાખવા આદેશ આપ્યા છે.  

7, 11 અને 12 સપ્ટેમ્બરે લોકડાઉનની જાહેરાત

આ સિવાય પ.બંગાળમાં સંપૂર્ણ લોકડાઉનની નવી તારીખો પણ જાહેર કરવામાં આવી છે. પ.બંગાળ સરકારે સપ્ટેમ્બર મહિનામાં ત્રણ તારીખોની જાહેરાત કરી છે જેમાં રાજ્યમાં સંપૂર્ણ લોકડાઉન રહેશે. બંગાળમાં 7, 11 અને 12 સપ્ટેમ્બરે લોકડાઉનની જાહેરાત કરવામાં આવી છે.

પીએમ કેયર્સ ફંડના પૈસા રાજ્યોમાં આપી દેવા જોઈએ

આ સિવાય બંગાળ સરકારે રેલ સંચાલન શરુ કરવાની વકાલત કરી છે. સરકારનું કહેવું છે કે જો ટ્રેનનું સંચાલન ફરીથી શરુ થશે તો તે સારું રહેશે. સાથે જ સરકારે કહ્યું કે કોલકાતામાં મેટ્રો સર્વિસ શરુ કરવી જોઈએ. પ.બંગાળના સીએમ મમતા બેનર્જીએ કહ્યું કે પીએમ કેયર્સ ફંડના પૈસા રાજ્યોમાં આપી દેવા જોઈએ જેથી કોરોનાની પરિસ્થિતિથી સારી રીતે લડી શકાય.