- વરસાદના કારણે તાપમાનમાં પણ ઘટાડો જોવા મળી રહ્યો
- મહત્તમ તાપમાન સામાન્ય કરતાં નવ ડિગ્રી ઓછું નોંધાયું હતું
- રાજધાની દિલ્હીમાં આજે સવારથી ધુમ્મસનું જાડું પડ છવાઈ ગયું છે
દિલ્હીમાં મે મહિનાના ત્રણ દિવસમાં પડેલા વરસાદે આખા મહિનાનો ક્વોટા પૂરો કરી દીધો છે. જણાવી દઈએ કે સામાન્ય રીતે મે મહિનામાં 30.7 મીમી વરસાદ પડે છે પણ અત્યાર સુધીમાં એટલે કે ફક્ત ત્રણ દિવસમાં 35.7 મીમી વરસાદ નોંધાયો છે. જણાવી દઈએ કે 1 મેના રોજ સરેરાશ 14.8 મીમી વરસાદ નોંધાયો હતો જ્યારે બુધવારે સાંજે 5.30 વાગ્યા સુધી 20.9 મીમી વરસાદ નોંધાયો હતો અને હજુ વરસાદ ચાલુ છે. સાથે જ વરસાદના કારણે તાપમાનમાં પણ ઘટાડો જોવા મળી રહ્યો છે. મહત્તમ તાપમાન સામાન્ય કરતાં નવ ડિગ્રી ઓછું નોંધાયું હતું.
આ સાથે જ રાષ્ટ્રીય રાજધાનીના અનેક ભાગોમાં આજે સવારે ધુમ્મસનું જાડું પડ છવાઈ ગયું છે. ઉત્તર પશ્ચિમ ભારતના મેદાનોથી લઈને પર્વતો સુધી હવામાન રોજેરોજ નવા રંગ દેખાડી રહ્યું છે. ક્યારેક વરસાદ પડે છે તો ક્યારેક પહાડોમાં બરફ પડવા લાગે છે. સામાન્ય રીતે મે મહિનામાં ગરમીનો પારો 41 ડિગ્રીની ઉપર રહે છે પણ અત્યારે માહોલ એવો છે કે ગરમી નથી, એસી બંધ છે અને ઠંડા પવન અને ઘટી રહેલા પારાને કારણે ચાદર ઓઢીને સૂવું પડે છે.
નોંધનીય છે કે મે મહિનાની શરૂઆતથી પડેલો વરસાદ બુધવારે પણ ચાલુ રહ્યો હતો. ગઇકાલે સવારે હવામાન ખુલ્લું હતું અને સખત તડકો હતો, એવું લાગતું ન હતું કે વરસાદ પડશે પણ બપોરે 12 વાગ્યા બાદ વાતાવરણમાં અચાનક પલટો આવ્યો હતો. એક વાગ્યા સુધીમાં વિસ્તારોમાં ભારે પવન સાથે ભારે વરસાદ શરૂ થયો હતો. અનેક જગ્યાએ કરા પણ પડ્યા હતા. મોડી સાંજ સુધી વરસાદનો આ સિલસિલો ચાલુ રહ્યો હતો. તેના કારણે મહત્તમ તાપમાન 30.6 ડિગ્રી સેલ્સિયસ પર સામાન્ય કરતાં નવ ડિગ્રી ઓછું અને લઘુત્તમ તાપમાન 20.1 ડિગ્રી સેલ્સિયસ પર સામાન્ય કરતાં પાંચ ડિગ્રી ઓછું હતું.
જો કે આ અઠવાડિયે હવામાન લગભગ આવું જ રહેશે તે પછી તાપમાન વધવા લાગશે. જણાવી દઈએ એક હવામાન વિભાગના ડેપ્યુટી ડાયરેક્ટર જનરલ ડૉ. કુલદીપ શ્રીવાસ્તવે જણાવ્યું હતું કે 1 મેના રોજ આવેલા વેસ્ટર્ન ડિસ્ટર્બન્સના કારણે સોમવાર અને બુધવારે વરસાદ પડ્યો હતો. એવામાં હવે શુક્રવારે વધુ એક વેસ્ટર્ન ડિસ્ટર્બન્સ આવી રહ્યું છે, પરંતુ તે એટલું અસરકારક રહેશે નહીં. જેના કારણે રવિવાર સુધી કેટલીક જગ્યાએ હળવો વરસાદ પડશે.
