હેલ્થ ટિપ્સ / મગજને એક્ટિવ રાખવું છે? તો આજથી જ તમારી લાઇફસ્ટાઇલમાં લાવો આ ફેરફાર, વધશે બ્રેઇન પાવર

મગજને સ્વસ્થ રાખવા માટે તમારે સારી આદતોને તમારા જીવનશૈલીમાં સામેલ કરવી પડશે. જેમકે યોગ્ય ખાનપાન, નિયમિત વ્યાયામ અને પૂરતી ઊંઘ વગેરે. તમે ઘણીવાર કેટલાક લોકોને કહેતા સાંભડયું હશે કે સ્વસ્થ મગજનો વિકાસ સ્વસ્થ શરીરમાં જ થાય છે. દરેક માતા-પિતા ઈચ્છે છે કે તેમનું બાળક મગજથી તેજ બને. જાણો, મગજ ને સ્વસ્થ રાખવા માટે શું કરવું જોઈએ! 

વ્યાયામ કરો 
મગજને સ્વસ્થ રાખવા માટે દરરોજ નિયમિત રીતે કસરત કરો. કસરત કરવાથી શરીર અને મગજ બંને સ્વસ્થ રહે છે. જે વ્યક્તિની શારીરિક સ્થિતિ સારી નથી હોતી તેની માનસિક સ્થિતિ પણ ધીમે-ધીમે ખરાબ થવા લાગે છે. તેથી તમારી શારીરિક અને માનસિક સ્થિતિને સ્વસ્થ રાખવા માટે તમારે દરરોજ યોગ અને વ્યાયામ કરવા જોઈએ. 

હેલ્ધી ખાનપાન અને યોગ્ય જીવનશૈલી 
તમે હેલ્ધી ખોરાકનું સેવન કરો છો તો તમારું મગજ પણ સ્વસ્થ રહેશે. તમે તમારા બાળકને માનસિક અને શારીરિક રીતે મજબૂત બનાવવા ઇચ્છતા હોય તો તેને લીલા શાકભાજી, ફળો, કઠોર, અનાજ, ડ્રાઈ ફ્રૂટ્સ વગેરે ખવડાવો. 

મગજને એક્ટિવ રાખે તેવી રમત રમવી જોઈએ 
તમે તમારા મગજને એક્ટિવ રાખવા ઇચ્છતા હોય તો તમારે બ્રેઇન ગેમ્સ રમવી જોઈએ. તમે બાળકો સાથે પણ આ રમત રમી શકો છો. આ મગજની કસરત માટે જરૂરી છે. 

વાંચવા જેવું: કોલેસ્ટ્રોલને કંટ્રોલમાં રાખે છે મેથી, બસ આ રીતે કરો સેવન, ઓછો થઈ જશે હાર્ટઅટેકનો ખતરો

ધ્યાન 
તમારા મગજને સ્વસ્થ રાખવા માટે તમારે દરરોજ નિયમિત રીતે ધ્યાનમાં બેસવું જોઈએ. ધ્યાન માનસિક સ્વાસ્થ્ય માટે ખૂબ જ જરૂરી છે.