વર્લ્ડ / ચીનને મોટો ઝટકો, શ્રીલંકાને જે એરપોર્ટ બનાવવા લોન આપી તેનું સંચાલન ભારત કરશે

શ્રીલંકાએ તેના હમ્બનટોટામાં આવેલા મટાલા રાજપક્ષે ઈન્ટરનેશનલ એરપોર્ટના મેનેજમેન્ટની જવાબદારી ભારત અને રશિયાની કંપનીને સોંપી દીધી છે. શ્રીલંકા સરકારનો આ નિર્ણણ ચીન માટે ઝટકા સમાન માનવામાં આવી રહ્યો છે. આ એરપોર્ટ બનાવવા ચીને શ્રીલંકાને આર્થિક મદદ કરી હતી.

તે દુનિયાનું સુમસાન એરપોર્ટ કહેવાતુ

મટાલા રાજપક્ષે ઈન્ટરનેશનલ એરપોર્ટનું નામ શ્રીલંકાના પૂર્વ રાષ્ટ્રપતિ મહિંદા રાજપક્ષેના નામ પરથી રાખવામાં આવ્યુ હતુ. અહીંયા પુરતી ફ્લાઈટ્સ ન આવતી હોવાથી તે દુનિયાનું સુમસાન એરપોર્ટ કહેવાતુ. મહિંદા રાજપક્ષના શાસનકાળમાં જ આ એરપોર્ટ બન્યુ હતુ.

આ પણ વાંચોઃ ડુંગળી ભાવમાં ફરી વધારો થશે? કેન્દ્ર સરકારે 6 દેશમાં નિકાસ કરવાની આપી મંજૂરી

30 વર્ષ સુધી ભારત અને રશિયાની કંપની સંભાળશે

આ પ્રક્રિયા પર શ્રીલંકાના પ્રવક્તા તથા મંત્રી બાંદુલા ગુણવર્ધનેએ જણાવ્યુ કે, મંત્રીમંડળે 9 જાન્યુઆરીના રોજ સંભવિત પક્ષકારોને રુચી પત્ર મંગાવાની મંજુરી આપી દીધી હતી. અમને પાંચ પ્રસ્તાવ મળ્યા હતા. ત્યાર બાદ સરકારની સલાહકાર સમિતિએ ભારતની શોર્ય એરોનોટિક્સ પ્રાઈવેટ લિમિટેડ અને રશિયાની એરપોર્ટ ઓફ રીજન્સ મેનેજમેન્ટ કંપનીને 30 વર્ષ સુધી મેનેજમેન્ટ કરવા સોંપ્યુ છે.

એરપોર્ટ બનાવવા ચાઈનાએ શ્રીલંકાને ઉંચા વ્યાજે લોન આપી હતી

ઉલ્લેખનીય છે કે, આ એરપોર્ટ બનાવવા ચાઈનાએ શ્રીલંકાને ઉંચા વ્યાજે કોમર્શિયલ લોન આપી હતી. આ યોજનામાં 20.9 કરોડ ડોલર ખર્ચ થયા હતા જેમાથી 19 કરોડ ડોલર ચાઈનાએ આપ્યા હતા. કેટલાક એક્સપર્ટ્સનું કહેવુ છે કે, ચીને શ્રીલંકાને વધુ એક લોન આપીને વધુ દેવાની જાળમાં ફસાવ્યુ હતુ. આ એરપોર્ટ પર નુકસાન થવાથી શ્રીલંકા વર્ષ 2016થી જ એક પાર્ટટનરની શોધમાં હતુ. અહીંયા ફ્લાઈટ્સ પણ ઓછી છે અને પર્યાવરણની દ્રષ્ટિએ પણ આ વિસ્તાર સંવેદનશીલ મનાય છે.