શેરબજાર / આ કંપનીના શેર ખરીદવા રોકાણકારોએ મચાવી લૂંટ, ભાવ જશે 100 રૂપિયાને પાર

ગયા શુક્રવારે શેરબજારમાં ભારે વેચવાલી વચ્ચે, વિવિધ કારણોસર કેટલાક શેરોમાં તોફાની વધારો જોવા મળ્યો હતો. આવો જ એક શેર જીએમઆર એરપોર્ટ ઈન્ફ્રાસ્ટ્રક્ચર લિમિટેડનો છે. આ શેરની જબરદસ્ત ખરીદી થઈ હતી અને ટ્રેડિંગ દરમિયાન તે 8.50 ટકા વધીને 92.34 રૂપિયાના સ્તરે પહોંચી ગયો હતો. ટ્રેડિંગના અંતે, શેરનો ભાવ 6.67% વધ્યો અને રૂ. 90.79 પર પહોંચ્યો. 20 ફેબ્રુઆરી 2024ના રોજ આ શેરની કિંમત 94.30 રૂપિયા હતી. આ શેરની 52 સપ્તાહની ઊંચી સપાટી છે. શેરની 52 સપ્તાહની નીચી સપાટી 40 રૂપિયા છે. આ કિંમત મે 2023માં હતી.

નિષ્ણાતો શું કહે છે

શેરબજારના નિષ્ણાતો આ સ્ટોકને લઈને ઉત્સાહિત જોવા મળ્યા. શેર નિષ્ણાંતોના મતે આ શેર તેના હકારાત્મક વલણને આગળ ચાલુ રાખી શકે છે. ચાર્ટ સારા લાગે છે, અમે અપેક્ષા રાખીએ છીએ કે તે 98 રૂપિયાના લક્ષ્ય સુધી જશે. સ્ટોપ લોસ 81 રૂપિયા પર રાખીને તેને ખરીદી શકાય છે.

આ પણ વાંચોઃ મ્યુચ્યુઅલ ફંડના નવા KYC નિયમોથી છો પરેશાન? તો રોકાણકારોએ ટેન્શન લેવાની જરૂર નથી, અપનાવો આ ટિપ્સ

અન્ય એક શેરબજાર નિષ્ણાતે જણાવ્યું હતું કે નજીકના ગાળામાં જીએમઆર ઇન્ફ્રાના શેર રૂ. 100ના લક્ષ્ય સુધી પહોંચી શકે છે. સ્ટોપ લોસ રૂ. 87 પર રાખવો જોઈએ. તેવી જ રીતે, Tips2Tradesના AR રામચંદ્રને જણાવ્યું હતું કે GMR એરપોર્ટ્સ દૈનિક ચાર્ટ પર રૂ. 87 પર મજબૂત સપોર્ટ સાથે બુલિશ દેખાય છે. ટૂંકા ગાળામાં તે 102 રૂપિયાના સ્તરે પહોંચી શકે છે.

દેશના સૌથી મોટા એરપોર્ટ ડેવલપર્સ અને ઓપરેટર્સમાંથી એક

તમને જણાવી દઈએ કે GMR Airports Infra દેશના સૌથી મોટા એરપોર્ટ ડેવલપર્સ અને ઓપરેટર્સમાંથી એક છે. તે એનર્જી, ટ્રાન્સપોર્ટ અને ઇન્ફ્રા સેક્ટરમાં એસેટનો મોટો પોર્ટફોલિયો ધરાવે છે. તે ભારતના બે સૌથી મોટા એરપોર્ટનું સંચાલન કરે છે - દિલ્હી અને હૈદરાબાદ. માર્ચ 2024 સુધીમાં, પ્રમોટરો કંપનીમાં 59.07 ટકા હિસ્સો ધરાવે છે.