ધોરણ 12 પછી પરંપરાગત સ્થાપિત અભ્યાસક્રમને બદલે વિદ્યાર્થીની રસ-રુચિ પ્રમાણેના અભ્યાસક્રમમાં એડમિશન મળે અને એમા તેની શક્તિ ખીલે એ જરૂરી છે.
Share
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ ગાંધીનગર દ્વારા માર્ચ 2024 માં લેવાયેલ ધો. 12 સામાન્ય તેમજ વિજ્ઞાન પ્રવાહ તેમજ ગુજકેટનું પરિણામ બોર્ડની વેબસાઈટ પર જાહેર કર્યું હતું. ત્યારે ધો. 12 વિજ્ઞાન પ્રવાહનું 82.45 ટકા પરિણામ જાહેર થવા પામ્યું હતું. જ્યારે ધો. 12 સામાન્ય પ્રવાહનું 91.93 ટકા પરિણામ જાહેર કરવામાં આવ્યું હતું. પરિણામ જાહેર થતાની સાથે જ વિદ્યાર્થીઓમાં ખુશી વ્યાપી જવા પામી હતી.
ADVERTISEMENT
હવે કારકિર્દીનું શું. અન્ય રાજ્યમાં સામાન્ય રીતે એવો ટ્રેન્ડ ચાલે છે કે હાઈસ્કૂલમાં વિદ્યાર્થી આવે અને ખાસ કરીને ધોરણ 12 પછી જે તે વિદ્યાર્થી સિવિલ સર્વિસીસની પરીક્ષાની તૈયારી કરતો હોય, ગુજરાતમાં એવો ટ્રેન્ડ સમયની સાથે હજુ જોઈએ એટલો પ્રચલિત થયો નથી. ગુજરાતમાં હજુ ધોરણ 12 પછી જે સ્થાપિત અભ્યાસક્રમ છે તેમાં જવાનું વલણ વધુ રહ્યું છે. હવે આગામી સમયમાં શિક્ષણનીતિમાં પણ ફેરફાર અમલી બનશે, નવા સ્ટાર્ટઅપ વિકસી રહ્યા છે, ટેકનોલોજીમાં પણ અનેક ફેરફાર થઈ રહ્યા છે એટલે અભ્યાસક્રમમાં પણ વૈવિધ્ય આવવું સ્વભાવિક છે. ધોરણ 12 પછી પરંપરાગત સ્થાપિત અભ્યાસક્રમને બદલે વિદ્યાર્થીની રસ-રુચિ પ્રમાણેના અભ્યાસક્રમમાં એડમિશન મળે અને એમા તેની શક્તિ ખીલે એ કેટલું જરૂરી છે. ગુજરાતમાં મેડિકલ-એન્જિનિયરિંગ સિવાયના કયા અભ્યાસક્રમ છે જેના પર દ્રષ્ટિ કરવાની જરૂર છે. આર્ટસ અને કોમર્સ પછી અભ્યાસક્રમના કયા-કયા વિકલ્પ વિકસ્યા છે. એવા કયા અભ્યાસક્રમ છે જેમાં કૌશલ્ય કેળવાય અને નોકરીમાં પણ મદદરૂપ બને.
ADVERTISEMENT
કોર્સની પસંદગીમાં શું ધ્યાન રાખવું?
વિદ્યાર્થીઓએ પોતાની આવડતને ઓળખવી જરૂરી છે તેમજ આવડત અને ક્ષમતા પ્રમાણે કોર્સની પસંદગી કરવી અને મિત્રો કે અન્ય જૂથ જે કોર્સ પસંદ કરે તેનો મોહ રાખવો જરૂરી નથી તેમજ કોર્સ એવો પસંદ કરવો જે ભવિષ્યની ડિમાન્ડ તરીકે પ્રસ્થાપિત થયા હોય અને આજે જે કોર્સ પસંદ કરીએ તે આવતીકાલે પ્રસ્તુત ન પણ હોય શકે. તમારા પરિણામ કરતા તમારી આવડતને વધુ મહત્વ આપો અને કૌશલ્યને ઓળખીને કયા ક્ષેત્રમાં કારકિર્દી બનાવવી તે નક્કી કરો.
