કામની વાત / SUV કાર ખરીદવી છે પણ બજેટ ઓછું છે? 7 લાખથી ઓછી કિંમતમાં ઘરે લાવી શકો છો આ કાર

• ભારતમાં SUV કારની માંગ ઝડપથી વધી રહી છે
• ઓછા બજેટમાં પણ SUV કાર ખરીદી શકો છો
• આ SUV કારની કિંમત 7 લાખ રૂપિયાથી  ઓછી

ભારતમાં SUV કારની માંગ ઝડપથી વધી રહી છે. એવામાં જો તમે પણ આ ફેસ્ટિવલમાં SUV લેવાનું વિચારી રહ્યા છો, પરંતુ બજેટ આડે આવી રહ્યું છે? ઘણા લોકો માને છે કે SUV લેવા માટે વધુ પૈસા ખર્ચવા પડશે પણ એવું નથી.  તમે ઓછા બજેટમાં પણ SUV કારની મજા માણી શકો છો. માર્કેટમાં આવી ઘણી કોમ્પેક્ટ SUV કાર છે જે તમને ઓછી કિંમતમાં સ્પોર્ટી ફીલ આપે છે. અમે તમારા માટે એવી SUV કારનું લિસ્ટ લાવ્યા છીએ જેની કિંમત 7 લાખ રૂપિયાથી  ઓછી છે. 

Hyundai Exeter
આ લિસ્ટમાં પહેલો નંબર Hyundai Exeter છે, જેને તમે એક્સ-શોરૂમ રૂ. 6 લાખની કિંમતે તમારા ઘરે લાવી શકો છો.  આ 1197cc માઈક્રો SUV પેટ્રોલ અને CNG બંને વેરિએન્ટમાં ઉપલબ્ધ છે અને તેની માઈલેજ 19.2 km/litre થી 27.1 kmpl છે. આ 5 સીટર કાર છે.

Tata Punch
Tata Punch દેશની સૌથી સસ્તી કારમાંથી એક છે. તેની કિંમત 5.99 લાખ રૂપિયાથી શરૂ થાય છે. તે કદમાં એકદમ કોમ્પેક્ટ છે, તેમ છતાં તેમાં 366 લિટરની મોટી બૂટ સ્પેસ છે. આ SUVમાં માત્ર એક એન્જિન વિકલ્પ આપવામાં આવ્યો છે, જેની સાથે 5 સ્પીડ મેન્યુઅલ અને AMT ગિયરબોક્સ વિકલ્પો ઉપલબ્ધ છે. ટાટા પંચમાં તમને 7 ઇંચની ટચસ્ક્રીન ડિસ્પ્લે, ઓટો ક્લાઇમેટ કંટ્રોલ અને રિયર પાર્કિંગ સેન્સર જેવી સુવિધાઓ મળે છે. આ 1199cc કાર 26.99 કિમી/લીટર સુધીની માઈલેજ મેળવી શકે છે. આ 5 સીટર SUV ને GNCAP માં 5 સ્ટાર રેટિંગ મળ્યું છે.

Nissan Magnite
નિસાન મેગ્નાઈટ બજેટ-ફ્રેંડલી SUV છે. . તમે 6 લાખ રૂપિયાના એક્સ-શોરૂમના બજેટમાં પણ આ ઘર લાવી શકો છો. તેનું એન્જિન 999cc છે અને તેની સાથે તમે 19.34 કિમી/લીટર સુધીની માઈલેજ મેળવી શકો છો. સલામતીની દ્રષ્ટિએ, તેણે ANCAP માં 4 સ્ટાર રેટિંગ હાંસલ કર્યું છે. તે માત્ર પેટ્રોલ વેરિઅન્ટમાં અને તે મેન્યુઅલ, AMT અને CVT ગિયરબોક્સ સાથે ઉપલબ્ધ છે. 

Renault Kiger
આગામી સસ્તી કાર રેનો કિગર છે, જેને ખરીદવા માટે તમારે 6.50 લાખ રૂપિયા ખર્ચવા પડશે. 999cc એન્જિન સાથે, તે માત્ર પેટ્રોલ એન્જિન સાથે પણ ખરીદી શકાય છે અને 19.57 કિમી/લીટર સુધીની માઈલેજ મેળવી શકે છે. તેને GNCAP માં 4 સ્ટાર રેટિંગ મળ્યું છે.