ક્રિકેટ / કોહલીને આ શું થયું? વનડે અને ટી-20 નથી રમવા માગતો, BCCI પાસે મોટી માગ કરતાં ફેન્સ ચિંતાતુર

• વિરાટ કોહલીએ બીસીસીઆઈ પાસે કરી માગ
• વનડે અને ટી20 ફોર્મેટમાંથી બ્રેક આપો
• આગામી ટી20 વર્લ્ડ કપ રમશે કે નહીં તે અનિશ્ચિત
• કોહલી ટેસ્ટ ફોર્મેટ પર ધ્યાન કેન્દ્રિત કરવા માંગે છે

વિરાટ કોહલીએ બીસીસીઆઈને કહ્યું કે, તેને વનડે અને ટી20 ફોર્મેટમાંથી અનિશ્ચિત સમય માટે બ્રેકની જરૂર છે. એટલે કે તે વન ડે અને ટી-20 ફોર્મેટમાં રમવા માંગતો નથી. બીસીસીઆઇના સૂત્રોએ જણાવ્યું હતું કે વિરાટ કોહલી ટેસ્ટ ફોર્મેટ પર ધ્યાન કેન્દ્રિત કરવા માંગે છે. આ કારણે તે વન-ડે અને ટી-20 ફોર્મેટમાં રમવા માંગતો નથી. મીડિયા રિપોર્ટ્સ અનુસાર વિરાટ કોહલીએ બીસીસીઆઈને કહ્યું કે તે સીમિત ઓવરોના ફોર્મેટ માટે ઉપલબ્ધ નથી. તેમજ તે કેટલો સમય નહીં રમે તે અંગે પણ કોઈ સ્પષ્ટતા કરવામાં આવી નથી. કોહલીના આ સમાચાર જાણીને ફેન્સ પણ ચિંતાતુર થયાં હતા અને ટ્વિટર પર ચિંતા વ્યક્ત કરતા લાગ્યાં છે. કોહલી ન રમે તે ફેન્સને મંજૂર નથી. 

રોહિત શર્મા રમશે કે નહીં 
વન ડે અને ટી-20 ફોર્મેટને લઈને ભારતીય ટીમના નિયમિત કેપ્ટન રોહિત શર્માનું શું સ્ટેન્ડ છે, તે અંગેનું સ્પષ્ટ ચિત્ર હજુ સ્પષ્ટ થયું નથી. . રોહિત શર્મા અને વિરાટ કોહલી ભારત તરફથી છેલ્લે લગભગ એક વર્ષ પહેલા ટી-20 ફોર્મેટમાં રમ્યા હતા. બંને ખેલાડીઓ ટી-20 વર્લ્ડ કપ 2022માં દેખાયા હતા, પરંતુ ત્યાર બાદ બંને ભારત માટે ટી-20 ફોર્મેટ રમ્યા નથી.

7 મહિના બાદ ટી-20 વર્લ્ડ કપ 
7 મહિના બાદ ટી-20 વર્લ્ડ કપ યોજાવાનો છે. માનવામાં આવી રહ્યું છે કે રોહિત શર્મા ટી-20 વર્લ્ડકપમાં ટીમ ઇન્ડિયાની કેપ્ટનશિપ કરી શકે છે, પરંતુ વિરાટ કોહલીના રમવા પર શંકા રહે છે. મીડિયા રિપોર્ટ મુજબ વિરાટ કોહલી વનડે અને ટી-20 ફોર્મેટ રમવા નથી માંગતો, એવામાં વિરાટ કોહલી ટી-20 વર્લ્ડકપમાં જોવા મળશે કે નહીં, તે તો આવનારો સમય જ બતાવશે.

દક્ષિણ આફ્રિકા અને અફઘાનિસ્તાન સામે ભારત રમશે ટી20 સીરિઝ 
ભારતીય ટીમ દક્ષિણ આફ્રિકા સામે 3 ટી-20 મેચની શ્રેણી રમશે, વિરાટ કોહલી આ શ્રેણી માટે ઉપલબ્ધ નહીં રહે. આ પછી ભારતીય ટીમ અફઘાનિસ્તાન સામે ટી-20 શ્રેણી રમશે.