મધ્યપ્રદેશ / VIDEO: જનેતાને ખાવાનું પણ નહોતા દીકરા વહુ, DSP ઘરે આવ્યા તો હાથ-પગ દબાવીને માફી માંગવા લાગ્યા

• ગ્વાલિયર શહેરમાંથી એક અલગ કિસ્સો સામે આવ્યો
• વૃદ્ધ મહિલાએ અરજી કરી કે પુત્ર અને પુત્રવધૂ હેરાન કરે છે
• વૃદ્ધ મહિલાએ કહ્યું ખાવા માટે અનાજ મળી રહે એટલું બસ 

મધ્યપ્રદેશના ગ્વાલિયર શહેરમાંથી એક અલગ કિસ્સો સામે આવ્યો છે જેને સાંભળીને લોકો ચોંકી ગયા કે દીકરો પોતાની મા સાથે આવું કેમ કરી શકે. જણાવી દઈએ કે ગ્વાલિયર શહેરમાં તૈનાત ડીએસપી સંતોષ પટેલ શહેરમાં પેટ્રોલિંગમાં નીકળ્યા હતા અને એ દરમિયાન રસ્તામાં તેઓ એક વૃદ્ધ મહિલાને મળ્યા હતા. એ સમયએ એ વૃદ્ધ મહિલાના હાથમાં એક અરજી હતી જેમાં લખ્યું હતું કે મહિલાને તેનો પુત્ર અને પુત્રવધૂ હેરાન કરે છે. 

વૃદ્ધ મહિલાએ કહ્યું ખાવા માટે અનાજ મળી રહે એટલું બસ 
જો કે અંહિયા એ વાત મહત્વની છે કે એ મહિલાએ અરજીમાં કહ્યું હતું કે તેને માત્ર ખાવા માટે અનાજ મળી રહે એટલું બસ છે તેને બીજું કઈં નથી જોઈતું. મહિલાની વાત સાંભળીને ડીએસપી સંતોષ પટેલ તેને પોતાની કારમાં બેસાડીને તેના ઘરે ગયા હતા. હાલ સોશિયલ મીડિયા પર એ કિસ્સાનો વિડીયો ઘણો વાયરલ થઈ રહ્યો છે અને લોકો ડીએસપીના વીડિયોના વખાણ કરી રહ્યા છે. 

#माँ को बेटों से न तो पढ़ाई का खर्च न ही वर्षगांठ जन्मदिन की पार्टी के लिए पैसे चाहिए सिर्फ भोजन पानी व प्रेम मांगती है माँ। वृद्ध विधवा आदिवासी काशी बाई बहु बेटे से सिर्फ अनाज के लिए लड़ रही थी जिस लड़ाई में पुलिस शामिल हुई तो नजारा बदल गया। #happymothersday2023 #motherspowers pic.twitter.com/XCJ7Q6AHIJ

— Santosh Patel DSP (@Santoshpateldsp) May 14, 2023

DSP તેને પોતાની કારમાં બેસાડી ને તેના ઘરે લઈ ગયા
જણાવી દઈએ કે આ વીડિયો 14 મેનો છે અને એ સમયે ડીએસપી ઘાટીગાંવ પર પેટ્રોલિંગ કરી રહ્યા હતા અને રસ્તામાં એક વૃદ્ધ મહિલા ફરિયાદ લઈને આવી રહી હતી. એ મહિલાની અરજી સાંભળ્યા બાદ DSP તેને પોતાની કારમાં બેસાડી ને તેના ઘરે લઈ ગયા હતા અને એ દરમિયાન મહિલાએ રસ્તામાં તેને કહ્યું હતું કે તે ખૂબ જ પરેશાન છે, તેનો પુત્ર અને પુત્રવધૂ તેના પર જમીન વેચવા માટે દબાણ કરી રહ્યા છે અને તેને હેરાન કરી રહ્યા છે.

વિડીયો થયો વાયરલ 
હાલ એ વિડીયો ઘણો વાયરલ થઈ રહ્યો છે અને વિડીયોમાં જોવા મળે છે કે ડીએસપી સંતોષ મહિલાના ઘરે પહોંચ્યા ત્યારે પુત્ર અને પુત્રવધૂ બંને ડીએસપીની સામે માફી માંગવા લાગ્યા અને વૃદ્ધ મહિલાના પગ દબાવવા લાગ્યા હતા. ડીએસપીને જોઈને વૃદ્ધ મહિલાની પુત્રવધૂ અને પુત્રએ કહ્યું કે તેઓ માતાની સેવા કરશે અને હવે પરેશાન નહીં કરે. આ વીડિયો માટે લોકો ડીએસપી સંતોષ પટેલની પ્રશંસા કરી રહ્યા છે. લોકો કહે છે કે આવા અધિકારીઓ દરેક જગ્યાએ હોવા જોઈએ.