સાવધાન / VIDEO : શું કચરાપેટીમાંથી સડેલા ટામેટાનો વીડિયો સુરત માર્કેટયાર્ડનો છે? APMC ચેરમેને કર્યો ખુલાસો

• કચરામાંથી ટામેટા લેતો વીડિયો થયો વાયરલ
• સોશિયલ મીડિયા પર વીડિયો થયો વાયરલ
• વીડિયોમાં દેખાતો શેડ સુરત APMC માં નથીઃ ચેરમેન

સોશિયલ મીડિયામાં આજે કચરા પેટીમાંથી સડેલા ટામેટા કેરેટમાં ભરતા હોવાનો વીડિયો વાયરલ થયો છે. જેમાં એક વ્યક્તિ કચરામાં ફેંકાયેલ સડેલા ટામેટા કેરેટમાં ભરી રહ્યો છે. અને સસ્તા ભાવે બજારમાં વેચી લોકોને વેચી રહ્યો છે. ત્યારે આ વીડિયો સુરત APMC  નો હોવાનું સોશિયલ મીડિયામાં વીડિયો વાયરલ કરનારે લખ્યું હતું.  ત્યારે આ બાબતે APMC  ચેરમેને પોતાની પ્રતિક્રિયા આપી હતી કે આ વીડિયો સુરત APMC  નો છે જ નહી તેમ દાવો કર્યો છે. 

વાયરલ વીડિયો સુરત APMC નો છે જ નહી તેવો દાવોઃ ચેરમેન
રાજ્યમાં રવિવારે કચરાપેટીમાંથી સડેલા ટામેટા કાઢીને વેંચાણ માટે કેરેટમાં રાખતા વ્યક્તિનો વીડિયો વાયરલ થયો હતો. આ વીડિયો સુરત એપીએમસીનો હોવાની ચર્ચા સાથે વાયરલ થયો હતો. જો કે આ મામલે હવે સુરતના એપીએમસી ચેરમેનનું નિવેદન સામે આવ્યું છે. એપીએમસીના ચેરમેન સંદીપ દેસાઇએ આ વીડિયો સુરત એપીએમસીનો છે જ નહીં તેવો દાવો કર્યો. તેમણે કહ્યું કે વીડિયોમાં દેખાતી જગ્યા અને દેખાતો શેડ સુરત એપીએમસીમાં નથી. આમ સુરતના નામે બીજી જગ્યાનો વીડીયો સુરતના નામે વાયરલ કરાયાનો તેમણે દાવો કર્યો.