- ઉપલેટા તાલુકાના કોલકી ગામમાં અનોખી રીતે હાલારી ગધેડા “વધામણી” સમારંભ સંપન્ન
- મોટાભાઈ ભરવાડ સમુદાયના અંદાજિત 150 લોકો ઉપસ્થિત રહ્યા
- તાજા જન્મેલ ખોલકાંઓને ગુલાબી ચૂંદડી ઓઢાડીને વધામણી કરાઈ
રાજકોટ જિલ્લાના ઉપલેટા તાલુકાના કોલકી ગામમાં અનોખી રીતે હાલારી ગધેડા “વધામણી” સમારંભનું આયોજન કરવામાં આવ્યું હતું. જેમાં મોટાભાઈ ભરવાડ સમુદાયના અંદાજિત 150 લોકો ઉપરાંત હાલારી ગધેડાનો ઉછેર કરતા માલધારી ભાઈઓ, બહેનો તથા સરકારી અધિકારી ઉપસ્થિત રહ્યા હતા. તાજા જન્મેલ ખોલકાંઓને (બચ્ચાઓ)ને તિલક, કુંકુ ચોખાથી વધાવી અને ગુલાબી ચૂંદડી ઓઢાડીને બચ્ચાઓના જન્મની વધામણી કરવામાં આવી હતી.
હાલમાં હાલારી ગધેડાની સંખ્યા 417 બચી
આ દરમિયાન માલધારીઓ ખોલકાંઓને ફૂલમાળા પહેરાવીને વધામણી કરવામાં આવી હતી. ઉલ્લેખનિય છે કે હાલારી ગધેડા ગુજરાતના સૌરાષ્ટ્ર વિસ્તારમાં લુપ્ત થતી પ્રજાતિ છે. સૌરાષ્ટ્રમાં એક સમયે હાલારી ગધેડાની વસ્તી સૌથી વધુ હતી. જોકે હવે માત્ર હાલમાં હાલારી ગધેડાની સંખ્યા 417 જ રહી હોવાથી તેને બચાવવાના પ્રયાસો કરવામાં આવી રહ્યા છે. મહત્વનું છે કે ગધેડીનું દૂધ હાલ 180 રૂપિયા લીટરના ભાવે વેંચાઈ રહ્યું છે. જે દુઘનો ઉપયોગ મહિલાઓના સોંદર્યપ્રસાધન વસ્તુમાં ઉપયોગ કરવામાં આવે છે.રાજ્ય અને કેન્દ્ર સરકાર પણ હાલારી ગધેડાના સંવર્ધન માટે વિશેષ પગલાંઓ લઇ રહી છે, આ સંજોગોમાં આ અતિ ઉપયોગી પ્રજાતિને વિલુપ્ત થતી બચાવવા અંતે સહજીવન સંસ્થાએ બીડું ઝડપ્યું છે, જેના ભાગ રૂપે રાજકોટ જિલ્લાના ઉપલેટા તાલુકાના કોલકી ગામે આ કાર્યક્રમ યોજાયો હતો. મહત્વનું છે કે ગયા વર્ષે હાલારી ગધેડાના સરંક્ષણના માટે ગોદભરાઈ(સીમંત) સમારંભનું આયોજન કર્યું હતું,
આ સમારોહનો મુખ્ય હેતુ
નોંધનીય છે કે હાલારી ગધેડાની સંખ્યામાં દિન પ્રતિદિન ધટાડો થઇ રહ્યો છે.અને બ્રીડીંગ નરનું પ્રમાણ પણ ખુબ ઘટી રહ્યું છે. જેથી નરની સંખ્યામાં વધારો થાય અને લોકો માં તથા માલધારીમાં આ લુપ્ત થતી નસલની જાળવણી માટે જાગૃતિ કેળવાઈ અને આ નસલની સંખ્યામાં વધારો થાય.
