એક્શન / કિરણ પટેલની જેમ PMO ઓફિસર બની લોકોને મામૂ બનાવવા નીકળ્યો વડોદરાનો મયંક, હવે એવો ફસાયો કે જિંદગીભર પસ્તાશે

 

• વડોદરા ગ્રામ્ય પોલીસે નકલી PMO ઓફિસરની કરી ધરપકડ
• સમાં વિસ્તારમાં રહેતા મયંક તિવારીની ધરપકડ 
• આરોપી PMOના ડાયરેક્ટર હોવાની આપતો હતો ઓળખ

PMOમાં અધિકારી છું કહીને જમ્મુ કાશ્મીરમાં ઝેડ પ્લસ સિક્યુરિટી સાથે ફરતા કિરણ પટેલની ધરપકડ કરવામાં આવી છે. તેની સામે ગુજરાતમાં પણ ઠગાઈના ગુના નોંધાયા છે. રિમાન્ડ પૂર્ણ થતા કિરણ પટેલને જેલના સળિયાની પાછળ ધકેલી દેવામાં આવ્યો છે. ત્યારે વધુ એક ઠગ ઝડપાયો છે. 

ઠગ મયંક તિવારીની ધરપકડ
મહાઠગ કિરણ પટેલ બાદ વધુ એક બોગસ PMO ઓફિસરની ધરપકડ કરવામાં આવી છે. વડોદરા ગ્રામ્ય પોલીસે PMOના ડાયરેક્ટરની ઓળખ આપી લોકો સાથે છેતરપિંડી આચરનાર ઠગ મયંક તિવારીની ધરપકડ કરી છે. સમાં વિસ્તારમાં રહેતો મયંક તિવારી લાંબા સમયથી પોલીસ અને સેન્ટ્રલ એજન્સીના રડારમાં હતો. જે પછી અંતે તેને ઝડપી લેવામાં આવ્યો છે.

PMOના ડાયરેકટર તરીકે આપતો હતો ઓળખ
વડાદરામાં આવેલી પારૂલ યુનિવર્સિટીના સંચાલકોને મંયક તિવારીએ પોતે PMOનો ડાયરેક્ટર હોવાની ઓળખ આપી શિક્ષણ ક્ષેત્રે રીસર્ચના પ્રોજેક્ટ માટે સરકારમાંથી મંજૂરી લાવી આપવાની વાત કહી હતી. જોકે, કિરણ પટેલની ધરપકડ થયા બાદ પારૂલ યુનિવર્સિટીના સંચાલકોને મયંક તિવારી પર શંકા ગઈ હતી. 

મયંક તિવારી વિશે ઉચ્ચ સ્તરે કરાઈ હતી જાણ  
જે બાદ સંચાલકો દ્વારા ખાનગી રીતે પોલીસ સહિત ઉચ્ચસ્તરે આ અંગેની જાણ કરવામાં આવી હતી. જે બાદ પોલીસ દ્વારા તેના પર નજર રાખવામાં આવી રહી હતી. જે બાદ પોલીસે વિવિધ ગુના દાખલ કરીને સમાં વિસ્તારમાં રહેતા મયંક તિવારીની ધરપકડ કરી છે. પોલીસ દ્વારા તેણે અત્યાર સુધીમાં કેટલા લોકોને બાટલીમાં ઉત્યાર્યા તે અંગેની તપાસ કરવામાં આવી રહી છે. પોલીસ દ્વારા મયંક તિવારીની પૂછપરછ કરવામાં આવી રહી છે. આરોપીની પૂછપરછમાં અનેક ખુલાસા થઈ શકે છે.