મેઘમહેર / વડોદરા જળબંબાકાર: બે કલાકમાં 3 ઈંચ ખાબક્યો, સુરત, અમદાવાદ પણ તરબતર, જુઓ તસવીરો

• વડોદારા, સૌરાષ્ટ્ર તેમજ સુરતમાં ધોધમાર વરસાદ
• મહાનગર પાલિકાનો પ્રિ-મોન્સુન પ્લાન ધોવાયો
• સુરત, ભાવનગર તેમજ વડોદરામાં ઠેર ઠેર પાણી ભરાયા

સુરતમાં બારે વરસાદથી રસ્તાઓ પાણીમાં ગરકાવ થઈ ગયા હતા. ઉપરવાસમાં પડેલ ભારે વરસાદને પગલે સુરતમાં પાણી ભરાયા હતા. ત્યારે સુરતની મધ્યમાંથી પસાર થતી ખાડીઓ ઓવરફ્લો થતા ખાડીઓમાં પુરની પરિસ્થિતિ સર્જાઈ હતી. ત્યારે પર્વત પાટિયા, ગોદાદરા વિસ્તારમાં રોડ પર ઘૂંટણ સમા પાણી ભરાતા ભારે ટ્રાફિક જામ થયો હતો. ઘૂંટણ સમા પાણી ભરાવાનાં કારણે અધ વચ્ચે ઘણા વાહન ચાલકોનાં વાહન બંધ થઈ ગયા હતા.  સુરતમાં ધોધમાર વરસાદનાં કારણે પેટ્રોલ પંપ પણ પાણીમાં ગરકાવ થઈ ગયો હતો. 

ભારે વરસાદથી બલેશ્વર ગામ બેટમાં ફેરવાયું
સુરત જીલ્લામાં ધોધમાર વરસાદનાં કારણે પલસાણાનાં બલેશ્વર ગામે ખાડીમાં ઘોડાપુર આવ્યું હતુ. ભારે વરસાદથી ભલેશ્વર ગામ બેટમાં ફેરવાયું હતું.  પાણીને લઈ નેશનલ હાઈવે તરફ જવાનો રસ્તો બંધ થયો હતો. ત્યારે ખાડીમાં પાણીની આવક થતાં બ્રિજ પાણીમાં ગરકાવ થઈ ગયો હતો. ખાડીમાં પાણી આવતા તંત્ર દ્વારા સાવચેતીનાં ભાગ રૂપે તુંડી, બગુમરા ગામે જવાનો રસ્તો બંધ થયો હતો.

જિલ્લામાં ૩ જુલાઈ સુધી ભારે થી અતિભારે વરસાદની આગાહી
હવામાન વિભાગ દ્વારા દક્ષિણ ગુજરાતમાં ભારે વરસાદની આગાહી કરી છે. ત્યારે ભારે પવન સાથે ધોધમાર વરસાદ શરૂ થયો હતો. કામરેજન તાલુકમાં પણ ધોધમાર વરસાદ શરૂ થયો હતો. વલથાણ નજીક નેશનલ હાઈવે 48 પર ધોધમાર વરસાદ વરસ્યો હતો.  ભારે વરસાદને પગલે વિઝીબિલિટી ડાઉન થઈ હતી. જીલ્લામાં 3 જુલાઈ સુધી ભારેથી અતિભારે વરસાદની આગાહી કરવામાં આવી છે. આગાહીને પગલા જીલ્લા કલેક્ટરનો અધિકારીઓને હેડક્વાર્ટર ન છોડવા આદેશ કર્યો છે. તેમજ ભારે વરસાદની આગાહીને લઈ વહીવટી તંત્ર સજ્જ છે. 

બસ પાણીમાં ફસાતા મુસાફરોનું રેસ્ક્યું કરાયું

વડોદરા શહેરમાં ધોધમાર વરસાદને કારણે ઠેર ઠરે પાણી ભરાયા હતા. ત્યારે શહેરનાં અલકાપુરી ગરનાળામાં સિટી બસ ફસાઈ જતા નાળામાં પાણી ભરાઈ જતાં બસ પાણીમાં ફસાઈ ગઈ હતી. ત્યારે બસ પાણીમાં ફસાઈ જતા બસમાં સવાર મુસાફરો પરેશાન થયા હતા. ત્યારે રાહદારીઓ દ્વારા મુસાફરોનું રેસ્ક્યું કરાયું હતું. 

પાણી ભરાવાથી અનેક વાહનો બંધ ખોટકાયા
વડોદરાનાં લહેરીપુરા દરવાજા વિસ્તારમાં પાણી ભરાયા હતા. ત્યારે પાણીમાંથી પસાર થતી એમ્બ્યુલન્સ ખોટકાઈ હતી. જે બાદ અન્ય એમ્બ્યુલન્સને બોલાવીને દર્દીને હોસ્પિટલ લઈ જવાયો હતો. ત્યારે પાણી ભરાવાથી અનેક વાહનો બંધ ખોટકાયા હતા. 

છેલ્લા 2 કલાકથી ધોધમાર વરસાદ વરસ્યો
જૂનાગઢ-માળીયા હાટીનામાં ધોધમાર વરસાદ ખાબક્યો છે. ત્યારે છેલ્લા 2 કલાકથી ધોધમાર વરસાદ વરસ્યો હતો.  ભારે વરસાદથી રસ્તાઓ પર પાણી ફરી વળ્યા હતા.

એક થી દોઢ કલાકમાં 2.5 ઇંચ વરસાદ 
જૂનાગઢમાં મેઘરાજાએ ધુંઆધાર બેટિગ કરી છે. ત્યારે એક થી દોઢ કલાકમા 2.5 ઈંચ વરસાદ વરસ્યો હતો. જેમાં ઝાંઝરડા રોડ, રેલ્વે સ્ટેશન રોડ, એમ.જી રોડ વગેરે જગ્યાઓ પર ઠેર ઠેર પાણી ભરાયા હતા.  રસ્તાઓ પર પાણી ફરી વળતા વાહન  ચાલકોને મુશ્કેલી પડી હતી.

ભાવનગરમાં પ્રિ-મોન્સુન પ્લાન ધોવાયો
ભાવનગર શહેરમાં 1 કલાકમાં 2 ઈંચ મુશળધાર વરસાદ પડ્યો હતો. ત્યારે શહેરનાં વિવિધ વિસ્તારો ઘોઘા સર્કલ, કાળવિબીડ સહિતનાં વિસ્તારોમાં પાણી ફરી વળ્યા હતા. ભાવનગરમાં ઠેર ઠેર પાણી ભરાતા વાહન ચાલકો પાણીમાં ફસાઈ જતા વાહનો પાણીમાં બંધ થઈ ગયા હતા. ત્યારે ભાવનગરમાં વરસાદે મહાનગરપાલિકાની પ્રિ-મોન્સુન પ્લાની કામગીરી પોકળ કામગીરી પર અનેક સવાલો ઉભા થયા છે.