- અમેરિકાના નોર્થ કેરોલિનાની ચમત્કારિક ઘટના
- મરેલા જાહેર થયેલા વ્યક્તિની સામે પરિવાર ચલાવ્યો છોકરાનો વીડિયો
- મૃત વ્યક્તિમાં આવ્યાં પ્રાણ, હાથ પગ હલવા લાગ્યા
- ત્યાર બાદ પત્નીએ શરીરનો સ્પર્શ કરતા પત્ની સાજો થયો
કુદરતમાં ક્યારેક કોઈ ભૂલ થતી નથી. જન્મ અને મરણ બધું પ્રકૃતિના નિયમ અનુસાર ચાલે છે. પરંતુ ક્યારેક કુદરત પણ ખોટી સાબિત થતી હોય છે અને શ્રદ્ધા જીતતી હોય છે. અમેરિકાના નોર્થ કેરોલિના રાજ્યમાં બનેલી એક ચમત્કારિક ઘટનામાં મરેલો માણસ પત્નીના ખાલી સ્પર્શથી જીવતો થઈ ઉઠ્યો હતો.
બાળક સાથે રમવાનો વીડિયો ચાલું થતા અંગોમાં આવ્યો સળવળાટ
નોર્થ કેરોલિનામાં લિસ્ટેરીયો રોગથી પીડિતા રયાન નામના એક શખ્સને બ્રેઈન ડેડ જાહેર કરવામાં આવ્યો હતો. ડોક્ટરોએ તેની પત્ની મેઘનને પણ પતિના મોતની જાણ કરી હતી, સમાચાર જાણીને પત્નીને ભારે આઘાત તો લાગ્યો પરંતુ સાથે આશા પણ જાગી હતી કે તે જરુરથી જીવતો થઈ જશે. ડોક્ટરોએ પરિવારના કહેવા પ્રમાણે અંગદાનની પ્રોસેસ શરુ કરી હતી. આ દરમિયાન રેયાનના સાળાનો છોકરો તેની પાસે ગયો અને તેણે રયાનનો એક વીડિયો ચાલુ કરી દીધો. વીડિયો રયાન તેના બાળકો સાથે રમી રહ્યાંનો હતો. વીડિયો ચાલુ થતા ચમત્કારક થયો હતો. અચાનક રયાનના શરીરમાં જાણે પ્રાણ પાછા આવ્યાં હોય તેમ તેના અંગોમાં સળવળાટ શરુ થયો હતો તેના હાથપગ હલવા લાગ્યાં હતા. આ જોઈને મેઘન પતિના શરીર પાસે પહોંચી હતી અને તેના શરીરનો સ્પર્શ કર્યો હતો. બસ પછી તો રયાનમાં આખા શરીરના અંગોએ કામ કરવાનું શરુ કર્યું હતું અને તે જીવતો થયો હતો.
બ્રેઈન ડેડમાં દર્દીના અચાનક અંગો કામ કરતા થઈ જાય તે સામાન્ય ઘટના
જોકે ડોક્ટરો આ ઘટનાને સામાન્ય ગણાવી રહ્યાં છે કારણ કે બ્રેઈન ડેડની સ્થિતિમાં દર્દીના અંગો અચાનક કામ કરવાનું શરુ કરી દેતા હોય છે. આ કિસ્સામાં પણ આવું જ બન્યું હોવાનું લાગી રહ્યું છે જોકે પરિવારને આમાં ચમત્કાર લાગી રહ્યો છે તેમનું માનવું છે કે પત્નીની શ્રદ્ધાને કારણે પતિનો જીવ પાછો આવ્યો છે એ જે હોય તે પરંતુ પરિવારની ખુશી પાછી આવી છે.
