બોલિવૂડ / બોલિવૂડમાં વિવાદો વચ્ચે આ અભિનેત્રીને મળી રેપ અને હત્યાની ધમકી, ગાળાગાળી બાદ પોલીસમાં ફરિયાદ દાખલ

• સોશિયલ મીડિયા ઈન્ફ્લુએન્સરને મળી ધમકી
• મારી નાખવા અને બળાત્કારની ધમકીઓ મળી
• ઉર્ફી જાવેદે આ વિશે પોલીસ ફરિયાદ નોંધાવી

બિગ બોસ ઓટીટી ફેમ ઉર્ફી જાવેદ અવારનવાર ચર્ચાનો વિષય બને છે. પોતાની અસામાન્ય ડ્રેસિંગ સેન્સના કારણે ઉર્ફી જાવેદનું નામ દરરોજ હેડલાઇન્સમાં આવે છે, પરંતુ અત્યારે ઉર્ફી વિશે મોટા સમાચાર સામે આવી રહ્યા છે. જો અહેવાલો પર વિશ્વાસ કરવામાં આવે તો ઉર્ફી જાવેદને બળાત્કાર અને જાનથી મારી નાખવાની ધમકીઓ મળી છે. આ પછી આરોપી વિરુદ્ધ પોલીસ ફરિયાદ દાખલ કરવામાં આવી છે.

ઉર્ફીને જાનથી મારી નાખવાની ધમકીઓ મળી
મળતી માહિતી મુજબ, ઉર્ફી જાવેદને એક વ્યક્તિ તરફથી વોટ્સએપ કોલ દ્વારા જાનથી મારી નાખવા અને બળાત્કારની ધમકીઓ મળી છે. આ સાથે આ વ્યક્તિએ એક્ટ્રેસ સાથે ગાળાગાળી પણ કરી છે. આ આરોપી વ્યક્તિએ ઉર્ફી જાવેદને આ ધમકીઓ અલગ-અલગ મોબાઈલ નંબર દ્વારા આપી છે, જેના કોલ રેકોર્ડિંગ પણ ઉપલબ્ધ છે. સમાચાર મુજબ ઉર્ફી જાવેદને આ રીતે ધમકી આપનાર આ વ્યક્તિનું નામ નવીન ગીરી જણાવવામાં આવી રહ્યું છે. જેમની વિરુદ્ધ મુંબઈના ગોરેગાંવ પોલીસ સ્ટેશનમાં ફરિયાદ દાખલ કરવામાં આવી છે. આ પહેલા પણ ઉર્ફીને આવી અનેક ધમકીઓ મળવાના કિસ્સા સામે આવી ચૂક્યા છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Uorfi (@urf7i)

ઉર્ફી જાવેદ એક પ્રખ્યાત સોશિયલ મીડિયા ઈન્ફ્લુએન્સર
હાલમાં, ઉર્ફી જાવેદ સોશિયલ મીડિયાના સૌથી પ્રખ્યાત ઈન્ફ્લુએન્સરોમાં સામેલ છે. ઉર્ફી જાવેદ પોતાની ખાસ ડ્રેસિંગ સેન્સના કારણે ટ્રોલર્સના નિશાના પર આવતી રહે છે. પરંતુ ઉર્ફી આ ટીકાકારોને યોગ્ય જવાબ આપવાથી પાછળ રહેતી નથી. ઉર્ફીના ચાહકોની સંખ્યાનો અંદાજ એ વાત પરથી લગાવી શકાય છે કે ઉર્ફી જાવેદના સોશિયલ મીડિયા હેન્ડલ ઈન્સ્ટાગ્રામ પર જ 4 મીલીયન ફોલોઅર્સ છે.