ભારેલો અગ્નિ / યુક્રેનથી ગુજરાતી વિદ્યાર્થીએ ગળે ડૂમો ભરાયેલા અવાજે કહ્યું અમને ડર છે કઈંક મોટું થશે, સરકાર માંગીએ ત્યારે મદદ કરે

• યુક્રેનમાં ભારતીય વિદ્યાર્થીઓ મુશ્કેલીમાં
• ગુજરાતના અનેક વિદ્યાર્થીઓ કરે છે અભ્યાસ
• યુક્રેન-રશિયા વચ્ચે યુદ્ધ જેવી સ્થિતિ

રશિયા અને યુક્રેન વચ્ચે યુદ્ધ જેવી સ્થિતિનું નિર્માણ થયુ છે. અમેરિકાના હસ્તક્ષેપ બાદ પણ મામલે ઠંડો નથી પડ્યો.ત્યારે વૈશ્વિક સ્તરે ઉભા થયેલા આ ઘર્ષણના કારણે યુક્રેનમાં રહેતા અનેક વિદેશીઓ મુશ્કેલીમાં મુકાયા છે.યુદ્ધના ઉંબરે ઉભેલા યુક્રેનમાં ગુજરાતના 5 હજારથી પણ વધુ વિદ્યાર્થીઓ હોવાની વાત સામે આવી છે.ચર્ચા એવી પણ છે કે કેટલાક વિદ્યાર્થીઓને દેશ છોડી દેવાનું કહી દેવામાં આવ્યું છે, ત્યારે યુક્રેનમાં હાલમાં શું છે સ્થિતિ તે જાણીશું ત્યાં રહેતા ગુજરાતી વિદ્યાર્થી પાસેથી

5 હજાર ગુજરાતી વિદ્યાર્થી યુક્રેનમાં ફસાયા
યુક્રેન અને રશિયા વચ્ચે તંગદિલી ચરમસીમાએ છે અને બંને દેશો વચ્ચે યુદ્ધના ભણકારા વાગી રહ્યા છે. સમગ્ર દેશના 18,000 વિદ્યાર્થીઓમાંથી અત્યારે ગુજરાતમાંથી યુક્રેનમાં અભ્યાસ અર્થે ગયેલા ગુજરાતના આશરે 5 હજાર જેટલા વિદ્યાર્થીઓ મુશ્કેલીમાં મુકાયા છે.યુક્રેનમાં તમામ ફ્લાઇટો રદ કરી દેવામાં આવી છે.ફ્લાઈટો રદ થતા વિદ્યાર્થીઓ પરત આવી શકે તેવી સ્થિતિમાં નથી.

મુખ્યમંત્રી ભૂપેન્દ્ર પટેલને વાલીઓની રજૂઆત
આથી બરોડાથી યુક્રેનમાં ફસાયેલા વિદ્યાર્થીઓના વાલીઓ મુખ્યમંત્રી ભૂપેન્દ્ર પટેલ અને મહેસૂલમંત્રી રાજેન્દ્ર ત્રિવેદીને આવેદનપત્ર આપ્યું હતું અને તાત્કાલિક ધોરણે તમામ વિદ્યાર્થીઓને સહી-સલામત ગુજરાતમાં પરત લાવવામાં આવે તેવી માગ કરી હતી.આપને જણાવી દઈએ કે, રશિયા અને યુક્રેનની જે યુદ્ધની પરિસ્થિતિ છે.તેને ધ્યાનમાં લઈને યુક્રેનની કોલેજના સત્તાધીશો દ્વારા પણ વિદ્યાર્થીઓને સત્તાવાર રીતે પોતાના દેશ અને વતનમાં પરત ફરવાની સૂચના આપી દેવામાં આવી છે, જો કે, યુક્રેનમાં તમામ ફ્લાઇટો રદ કરી દેવામાં આવી છે. જેથી તમામ વિદ્યાર્થીઓ અત્યારે યુક્રેનમાં ફસાયા છે.

ગુજરાતી વિદ્યાર્થીઓને દેશમાં પરત લાવવામાં આવશે -વાઘાણી
યુક્રેનમાં ગુજરાતી વિદ્યાર્થીઓ ફસાવા મામલે મંત્રી જીતુ વાઘાણીની પ્રતિક્રિયા આપતા કહ્યું કે ગુજરાતી વિદ્યાર્થીઓ માટે રાજ્ય સરકાર કેન્દ્ર સરકારના સંપર્ક છે. ગુજરાતી વિદ્યાર્થીઓને દેશમાં પરત લાવવામાં આવશે જેના પ્રયાસના ભાગ રૂપે મુખ્યમંત્રી સતત કેન્દ્ર સરકાર અને ખાસ કરીને વિદેશ વિભાગ સાથે સંપર્કમાં છે.