હેલ્થ ટિપ્સ / માત્ર ઇમ્યુનિટી જ નહીં, અન્ય બાબતોમાં પણ ફાયદાકારક છે હળદરવાળું દૂધ, જાણો ફાયદા

• હળદરવાળું દૂધ સ્વાસ્થ્ય માટે ખૂબ જ ફાયદાકારક
• હળદરમાં હોય છે કુદરતી એન્ટિબાયોટિક
• હળદરવાળું દૂધ પીવાથી થાય છે શાંતિથી ઊંઘનો અનુભવ

હળદરવાળું દૂધ સ્વાસ્થ્ય માટે ખૂબ જ ફાયદાકારક હોવાનું વડીલો પણ કહેતા હોય છે અને તબીબો પણ કહે છે. હળદરને આયુર્વેદમાં દવા તરીકે માનવામાં આવે છે. તેમાં કુદરતી એન્ટિબાયોટિક હોય છે. જ્યારે દૂધમાં કેલ્શિયમ, પ્રોટીન સહિતના ઘણા વિટામિન હોવાથી હળદર અને દૂધ મિક્સ કરીને પીવાથી સ્વાસ્થ્યને ઘણા ફાયદા થઈ શકે છે. સૌપ્રથમ તો સારી ઊંઘ આવે છે. હળદરવાળું દૂધ મિક્સ કરીને પીવાથી શાંતિથી ઊંઘનો અનુભવ લઈ શકો છો. આથી રાત્રિના સમયગાળા દરમિયાન હળદરનું દૂધ પીવું જોઈએ જેનાથી રાત્રી દરમિયાન ઊંઘમાં ખલેલ પહોંચતી નથી.

રોગપ્રતિકારક શક્તિમાં પણ વધારો થાય છે

હળદર અને દૂધ મિક્ષ કરીને પીવાથી રોગ પ્રતિકારક શક્તિમાં વધારો થઈ શકે છે. આ ઉપરાંત શરદી, ફલૂ અને કફથી બચી શકવાની પણ તાકાત મળે છે. આથી દરેક ઋતુમાં હળદર વાળું દૂધ પીવું જોઈએ. આ ઉપરાંત સાંધાના દુખાવામાં પણ રાહત રૂપ રહે છે. હળદરમાં શક્તિશાળી બળતરા વિરોધી ગુણધર્મ હોવાથી સાંધાના દુખાવાની સમસ્યા ભોગવતા લોકો માટે હળદર વાળું દૂધ રામબાણ ઈલાજ છે.

ત્વચા ચમકે છે

હળદર ત્વચાને ચમકદાર બનાવે છે અને હાનિકારક બેક્ટેરિયાને દૂર કરે છે. સૌ પ્રથમ દૂધ ઉકાળો બાદમાં સ્વાદ માટે એક ચપટી હળદર અને ખાંડ ઉમેરવી જોઈએ. ત્યારબાદ સૂતા પહેલા તેને ગરમ અથવા હૂંફાળું કરી અને પીવું જોઈએ.જો તમને ડાયાબિટીસ, હૃદયરોગ અથવા સાંધાનો દુખાવો હોય તો તમે હળદરનું દૂધ એક ચપટી જાયફળમાં મિક્સ કરીને પી શકો છો. બીજી બાજુ થાઈરોઈડની હોય તો કાજુ અને કાળા મરી પણ ફાયદાકારક રહે છે.