કાર્યવાહી / પ્રજ્ઞેશ પટેલની વધી શકે છે મુશ્કેલી: દુષ્કર્મ કેસ મામલે અમદાવાદ પોલીસ એક્શનમાં, જાણો કેમ

• ઈસ્કોન બ્રિજનાં અકસ્માત કેસમા પિતા-પુત્રની વધી શકે છે મુશ્કેલીઓ
• અગાઉનાં દુષ્કર્મનાં કેસમાં પ્રજ્ઞેશ પટેલનાં જામીન થઈ શકે છે રદ
• પોલીસ પ્રજ્ઞેશ પટેલના જામીન રદ કરવા કરી શકે છે રિપોર્ટ

 ઈસ્કોન બ્રિજ અકસ્માત કેસમાં પુત્રની કરતૂતનાં કારણે પિતાની મુશ્કેલીઓમાં વધારો થઈ રહ્યો છે. ત્યારે ઈસ્કોજ બ્રિજનાં અકસ્માત કેસમાં તથ્ય અને પ્રજ્ઞેશ પટેલની મુશ્કેલી વધી શકે છે. અગાઉનાં દુષ્કર્મનાં કેસમાં પ્રજ્ઞેશ પટેલનાં જામીન રદ થઈ શકે છે. રાજકોટની યુવતી સાથે દુષ્કર્મનાં કેસમાં પ્રજ્ઞેશ પટેલ જામીન પર છે. હાઈકોર્ટે વિવિધ શરતો સાથે પ્રજ્ઞેશ પટેલને જામીન આપ્યા હતા. જામીન રદ્દ કરવા મામલે કોર્ટને પોલીસે રિપોર્ટ કરવાનો હોય છે. અમદાવાદ પોલીસ પ્રજ્ઞેશ પટેલનાં જામીન રદ્દ કરવા માટે રિપોર્ટ કરી શકે છે. હાઈકોર્ટની શરત નંબર A નું ઉલ્લંઘન થવા મામલે પ્રજ્ઞેશનાં જામીન રદ થઈ શકે છે. 

તથ્યનાં પિતા પ્રજ્ઞેશ પટેલનો ગુનાહિત ઈતિહાસ
મહત્વુનં છે કે, તથ્ય પટેલનો પિતા પ્રજ્ઞેશ પટેલ ગુનાહિત ઈતિહાસ ધરાવે છે.. પ્રજ્ઞેશ પટેલ પર અત્યાર સુધીમાં 8 ફરિયાદ નોંધાયેલી છે. રાજકોટની યુવતીએ દુષ્કર્મની ફરિયાદ કરી હતી. પ્રજ્ઞેશ પટેલને હાઈકોર્ટે વિવિધ શરતો સાથે જામીન આપ્યા હતા. ત્યારે હવે શરતોના ભંગ મામલે પ્રજ્ઞેશ પટેલના જામીન રદ થઈ શકે છે. 

પ્રજ્ઞેશ પટેલ સામે ક્યાં પોલીસ મથકમાં કેટલા ગુનાં નોંધાયેલ છે
તથ્ય પટેલનાં પિતાનાં ગુનાહિત ઈતિહાસ પર નજર કરીએ તો પ્રજ્ઞેશ પટેલ પર રેપકાંડ સહિત અનેક ગુના નોંધાયા છે. યુવતીને નશો કરાવી સામૂહિક દુષ્કર્મનાં કેસમાં પ્રજ્ઞેશ પટેલ મુખ્ય આરોપી છે. પ્રજ્ઞેશ પટેલે 2020 માં યુવતી પર ડ્રગ્સનો નશો કરી સામુહિક દુષ્કર્મ આચર્યું હતું. પ્રજ્ઞેશ પટેલ પર 8 થી વધુ ગુના નોંધાયેલા છે. તેમજ પ્રજ્ઞેશ પટેલ સામે સોલા પોલીસ સ્ટેશનમાં 2 કેસ પણ થયેલા છે. શાહપુર, રાણીપ પોલીસ સ્ટેશનમાં 1-1- કેસ નોંધાયો છે. તેમજ ક્રાઈમ બ્રાન્ચમાં-1 તેમજ મહિલા ક્રાઈમમાં-1 કેસ નોંધાયેલ છે. જ્યારે ડાંગ અને મહેસાણાનાં પોલીસ સ્ટેશનમાં 1-1 કેસ નોંધાયેલો છે.