નિર્ણય / ગુજરાતની 5 સરકારી ઈજનેરી કોલેજોમાં આચાર્યોની બદલી, જુઓ ક્યાં કોની નિમણૂક

• રાજ્યની 5 સરકારી ઈજનેરી કોલેજોમાં આચાર્યોની કરાઈ બદલી
• 6 મહિનાથી ખાલી પડેલી LD એન્જિનિયરીંગ કોલેજના આચાર્યની જગ્યા ભરાઈ
• LD એન્જિનિયરીંગ કોલેજના આચાર્ય તરીકે ડૉ. નિલય ભૂપતાણી નિમણુંક
• ડૉ. વિનય પુરાણી બન્યા વિશ્વકર્મા સરકારી ઇજનેર કોલેજના આચાર્ય
• ભાવનગરની બે સરકારી ઈજનેરી કોલેજમાં ડૉ. મંગળ ભટ્ટ અને ઘનશ્યામ વડોદરીયા બન્યા આચાર્ય
• પાટણની સરકારી ઇજનેરી કોલેજના આચાર્ય બન્યા ડૉ. ભારત શાહ

Govt Engineering College : લોકસભા ચૂંટણી પહેલા રાજ્યના અનેક વિભાગોમાં બદલીના દોર વચ્ચે વધુ એક વિભાગમાં બદલીને લઈ મોટી અપડેટ સામે આવી છે. વાત જાણે એમ છે કે, રાજ્યની 5 સરકારી ઈજનેરી કોલેજોમાં આચાર્યોની બદલી કરાઈ છે. વિગતો મુજબ અમદાવાદની LD એન્જિનિયરિંગ કોલેજ, વિશ્વકર્મા સરકારી ઈજનેરી કોલેજ, ભાવનગરની બે સરકારી કોલેજ અને પાટણની સરકારી ઈજનેરી કોલેજમાં આચાર્યોની નિમણૂક કરાઇ છે. 

વધુ વાંચો: તમારી પ્રાર્થના અને તંત્રની મહેનત રંગ લાવી, 9 કલાકની જહેમતે જામનગરમાં બોરમાં પડેલા રાજનો બચાવ, રેસ્ક્યૂ જોવા જેવુ

અમદાવાદની LD એન્જિનિયરીંગ કોલેજના આચાર્યની 6 મહિનાથી ખાલી પડેલી જગ્યા ભરાઈ છે. વિગતો મુજબ LD એન્જિનિયરીંગ કોલેજના આચાર્ય તરીકે ડૉ. નિલય ભૂપતાણી નિમણુંક કરાઇ તો ડૉ. વિનય પુરાણી વિશ્વકર્મા સરકારી ઇજનેર કોલેજના આચાર્ય બન્યા છે. આ તરફ ભાવનગરની સરકારી ઇજનેરી કોલેજના આચાર્ય તરીકે ડૉ. મંગળ ભટ્ટ તો ભાવનગરની શાંતિલાલ શાહ ઇજનેરી કોલેજના આચાર્ય તરીકે ડૉ. ઘનશ્યામ વડોદરિયાની નિમણૂક કરાઇ છે. આ સાથે પાટણની સરકારી ઇજનેરી કોલેજના આચાર્ય તરીકે ડૉ. ભારત શાહને જવાબદારી સોંપાઈ છે.