હેલ્થ / ચેતી જજો! વધુ પડતા વિટામીન -Cનો ઉપયોગ પડી શકે છે મોંઘો, થઈ શકે છે આ 4 ખતરનાક નુકસાન

• વિટામીન સી તમારા શરીર માટે અત્યંત જરૂરી
• પરંતુ જરૂરીયાત કરતા વધુ વિટામીન-સી શરીર માટે ખતરનાક
• વિટામીન સી વધુ લેવાથી તમારા શરીરમાં ઉભી થશે અનેક સમસ્યાઓ

આ કિડની અને હાડકાની સમસ્યા ઉભી કરી શકે છે. આવો જાણીએ કે કેટલી માત્રાથી વધુ વિટામિન-સી ના લેવુ જોઈએ.

કિડની સ્ટોનની સમસ્યા 

જરૂરીયાતથી વધુ વિટામીન સી ફૂડ અથવા સપ્લિમેન્ટ લેવાથી તમારી કિડનીમાં પથરીની સમસ્યા થઇ શકે છે. કારણકે એકસ્ટ્રા વિટામીન-સીને શરીર ઑક્સલેટના રૂપમાં પેશાબના માર્ગથી બહાર નિકાળી દે છે. પરંતુ ઘણી વખત આ બીજા મિનરલ્સની સાથે મળીને નાના ક્રિસ્ટલનું સ્વરૂપ લઇ લે છે અને કિડની સ્ટોન બની જાય છે. 

હાડકાનો અસામાન્ય વિકાસ

શરીરમાં જરૂરીયાતથી વધુ વિટામીન-સીનુ સ્તર હાડકાના અસામાન્ય વિકાસ બોન સ્પર્સનુ કારણ બની શકે છે. બોર્ન સ્પર્સ સામાન્ય રીતે હાડકામાં હોય છે. જ્યાં એક હાડકા અજીબોગરીબ વિકાસના કારણે બહાર તરફ નિકળવા લાગે છે. જેના કારણે દુ:ખાવો, નબળાઈ જેવા લક્ષણો જોવા મળે છે. 

પાચનની સમસ્યા

વધુ વિટામીન-સી લેવાથી સૌથી સામાન્ય લક્ષણ પાચન ખરાબ થવુ છે. જેના કારણે તમને અપચો, ઉલ્ટી, પેટમાં દુ:ખાવો, હૃદયમાં બળતરા જેવી મુશ્કેલીઓ થાય છે.  જો કે, તમે વિટામિન-સી સપ્લીમેન્ટને બંધ કરીને આ દુ:ખાવામાંથી રાહત મેળવી શકો છો. 

શરીરમાં અસંતુલિત પોષણ

વિટામિન-સીને જરૂરીયાતથી વધુ માત્રામાં લેવાથી શરીરમાં પોષક તત્વોનુ સ્તર અસંતુલિત થાય છે. જેનાથી શરીરમાં વિટામિન બી12 અને કૉપરની માત્રા ઘટી શકે છે. તો વિટામીન-સીના કારણે શરીરમાં આયરન વધી જાય છે, જે આરોગ્યની દ્રષ્ટિએ યોગ્ય નથી.