નોટબંધી / 51કરોડની બંધ થઈ ગયેલી ચલણી નોટ વટાવવા માંગે છે દેશનું આ ધનીક મંદિર, નાણામંત્રીને કરી અપીલ

•  નાણાંમંત્રીએ કહ્યું કે આ સમસ્યાનું  સમાધાન કાઢવાનો પ્રયાસ કરશે
• તિરુમાલા તિરુપતિ દેવસ્થાનમની આર્થિક સ્થિતિને સમજીને આ સમસ્યાનું સમાધાન કરવા અપીલ
• તિરુમાલા તિરૂપતિ દેવસ્થનમે રૂ. 51 કરોડની જૂની ચલણ નોટો પરત આપવાની ઈચ્છા વ્યક્ત કરી

સોમવારે તિરૂમલા તિરૂપતિ દેવસ્થાનમના ચેરપર્સન વાયવી રેડ્ડીએ કેન્દ્રીય નાણામંત્રી નિર્મલા સીતારમણ સાથે મુલાકાત કરી હતી. રેડ્ડીએ નાણાંમંત્રીને જૂની નોટનું મુદ્રીકરણ કરવાની અપીલ કરતા કહ્યું કે આ નોટો ભક્તો દ્વારા ભગવાન વેંકટેશને અર્પણ કરાઈ હતી.

રેડ્ડીએ જણાવ્યું કે  તેમણે કેન્દ્રીય નાણાંમંત્રી સામે રજૂઆત કરી છે કે કોરોના વાયરસને કારણે તિરુમાલા તિરુપતિ દેવસ્થાનમની આર્થિક સ્થિતિને સમજીને આ સમસ્યાનું સમાધાન કરો. તેમણે એમ પણ કહ્યું કે તીર્થયાત્રી દાનમાં પૈસા નાંખવા પવિત્ર માને છે. ત્યારે તેમની ભાવનાને સમજી આ અરજીને ફગાવી ન દેવામાં આવે.

રેડ્ડીએ કહ્યું કે 8 નવેમ્બર 2016 ના રોજ કેન્દ્ર સરકારે નોટબંધીનો નિર્ણય લીધો હતો. એ બાદ તિરુમાલા તિરૂપતિ દેવસ્થનમે બંધ કરાયેલી 500 અને 1000ની જુની ચલણી નોટ લેવાનું પણ બંધ કરી દીધું હતું. તેમજ આ નોટોનું ટ્રાન્જેક્શન પણ  બંધ કરી દીધું હતુ.

ઉલ્લેખનીય છે કે તિરૂમલા તિરૂપતિ દેવસ્થાનમનું કહેવું છે કે જોકે તેમને એ ખબર નથી કે ભક્તોએ આ પૈસા ક્યારે દાનમાં નાંખ્યા હતા.  રિઝર્વ બેંક ઓફ ઈન્ડિયાની ગાઈડવાઈન છતા ભક્તોએ  બંધ થયેલી નોટો દાનપેટીમાં નાંખવાનું બંધ કર્યું નહોતું. તેમણે કહ્યું કે નાણાંમંત્રીએ રેડ્ડીને ખાતરી આપી છે કે તે કેન્દ્રીય બેંક સાથે વાત કરી આ સમસ્યાનું  સમાધાન કાઢવાનો પ્રયાસ કરશે.