- આ સિઝનમાં બાળકોની સંભાળ વધુ જરુરી
- ફંગલ ઇન્ફેક્શનને કારણે બાળકના એક્નેની સમસ્યા થઇ શકે છે
- તમારા બાળકને ભેજવાળા રુમમાં ન રાખો
Baby care During Monsoon: હવે ચોમાસાની સિઝન આવી ગઈ છે. લોકોને ગરમીથી રાહત મળી છે ત્યારે આ સિઝનમાં ઈન્ફેક્શનનો ખતરો પણ રહે છે. જે તમારી સુખદ લાગણીને બગાડી શકે છે. દરેક વ્યક્તિએ પોતાનું ખાસ ધ્યાન રાખવાની જરૂર છે, ખાસ કરીને નવા માતાપિતાએ સાવચેતી રાખવાની જરૂર છે, કારણ કે આ સિઝનમાં નાના બાળકોની રોગપ્રતિકારક શક્તિ નબળી હોય છે. તેમની ત્વચા સેંસિટિવ હોય છે આવી સ્થિતિમાં બાળકો આ ઋતુમાં અનેક રોગોનો ભોગ બની શકે છે. આવો જાણીએ બાળકોમાં થતા ઇન્ફેક્શન અને બચવાના ઉપાયો વિશે...
શિશુને થઇ શકે છે આ સમસ્યા
1. ફંગલ ઇન્ફેક્શનને કારણે બાળકના એક્નેની સમસ્યા થઇ શકે છે. જેના કારણે ત્વચા લાલ થઈ જાય છે. ત્વચા પર નાના લાલ ફોલ્લીઓ થઇ શકે છે. ખભા, પીઠ, હાથ પર ફોલ્લીઓ થઈ શકે છે. જો સ્વચ્છતાનું ધ્યાન રાખવામાં ન આવે તો તે આખા શરીરમાં પણ ફેલાઈ શકે છે.
2. વરસાદની ઋતુમાં બાળકોની સ્કાલ્પ પર પોપડા જામવાની સમસ્યા પણ ખૂબ વધી જાય છે. તેને ક્રેડલ કેપ તરીકે ઓળખવામાં આવે છે.ક્યારેક તે એટલી જાડી થઈ જાય છે કે તે સરળતાથી બહાર આવતી નથી. જો તેને બળપૂર્વક દૂર કરવામાં આવે તો પીડા અને લોહી પણ નીકળવાની શક્યતા રહે છે.
3. મેલેરિયાએ વરસાદની મોસમમાં સૌથી સામાન્ય રોગ છે જે નવા જન્મેલા બાળકોને પણ અસર કરે છે. વરસાદના કારણે ગટર કે ખાડામાં પાણી જમા થાય છે જે મચ્છરોના પ્રજનનનું કારણ બને છે. મેલેરિયાના કારણે તાવ, ધ્રુજારી, દુખાવો, શરદી જેવી સમસ્યા રહે છે.
4. નેપી રેશિસની સમસ્યા હોઈ શકે છે. વરસાદના દિવસોમાં કપડાંને સૂર્યપ્રકાશ મળતો નથી. કપડાં ભેજ જાળવી રાખે છે. જો તમે તમારા બાળકને ભીના કપડા પહેરાવવો અથવા ભીના હાથે કપડા કે નેપી પહેરાવો છો, તો તેનાથી પિમ્પલ રેશિસની સમસ્યા થાય છે.
5. નવજાત શિશુને પણ ડેન્ગ્યુની સમસ્યા થઈ શકે છે. જો તમે કુલર ચલાવો છો, તો તેમાં રહેલા પાણીમાં બેક્ટેરિયા રહે છે. જેના કારણે ડેન્ગ્યુ ફેલાવતા મચ્છરોનો જન્મ થાય છે અને નવજાત શિશુને તાવ, શરદી અને ફ્લૂ થઈ શકે છે.
આ રીતે કરો બચાવ
- તમારા બાળકને ભેજવાળા રુમમાં ન રાખો. ઠંડી હવા સાથે સંપર્ક ટાળો. બાળકના માથા અને સ્કિનને ડ્રાય રાખો.
- નવજાત બાળકને ઇન્ફેક્શનથી બચાવવા માટે તેને સ્તનપાન કરાવો. કારણ કે સ્તનપાનથી રોગપ્રતિકારક શક્તિ વધે છે અને ચેપનું જોખમ ઓછું થાય છે.
- ઘરમાં સંપૂર્ણ સ્વચ્છતા રાખો. મચ્છર અને માખીઓ દ્વારા ઇન્ફેક્શન ના ફેલાય તે માટે બારીઓ અને દરવાજા બંધ રાખો. આ સિવાય બાળકને ક્યારેય ભીના હાથથી પકડો નહીં.
- બાળકને જાડા સુતરાઉ કપડાથી ઢાંકીને રાખો અને ખાતરી કરો કે ઉપયોગ કરતા પહેલા કપડાં સંપૂર્ણપણે તડકામાં સુકાઈ ગયા છે અથવા ઈસ્ત્રી કરેલા છે.
- અન્ય ઋતુઓ કરતાં વધુ વખત ડાયપર બદલો. તમારા બાળકને વારંવાર ડાયપરને બ્રેક આપો અને ડાયપર વિસ્તારને હવાના સંપર્કમાં આવવા દો. જો ફોલ્લીઓ દેખાય, તો તરત જ બેબી પાવડરનો ઉપયોગ કરો.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
