ક્રિમિનલ / સુરેન્દ્રનગરમાં ત્રણ ભાઈઓની ક્રુરતા, તીક્ષ્ણ હથિયારથી હત્યા કરીને હાથ કાપી નાખ્યો, મચી સનસની

• સુરેન્દ્રનગરમાં ત્રણભાઈઓએ ક્રુરતાપૂર્વક આધેડની હત્યા કરી
• તીક્ષ્ણ હથિયારોના ઘા મારી મૃતકનો એક હાથ પણ કાપી નાખ્યો
• જૂની અદાવતમાં મહેબુબ મુલતાનીની હત્યા કરાઈ

સુરેન્દ્રનગર જિલ્લો ક્રાઇમ નગરી બન્યો છે. છાસવારે ફાયરિંગ,ખંડણી, હત્યા અને બળત્કાર તેમજ ચોરી-લૂંટ સહિતના ગુના ખુલ્લેઆમ બની રહ્યા છે. કાયદા અને વ્યવસ્થાના લીરા ઉડી રહ્યા છે. સુરેન્દ્રનગરમાં જૂની અદાવતમાં ખૂનીખેલ ખેલાયો છે, ત્રણ ભાઈઓએ ભેગા મળી ક્રુરતાપૂર્વક ગુનાને અંજામ આપ્યો છે.

સુરેન્દ્રનગરમાં ત્રણભાઈઓએ ક્રુરતાપૂર્વક આધેડની હત્યા કરી
સુરેન્દ્રનગરની વિમલનાથ સોસાયટી પાસે જૂની અદાવતમાં એક આધેડની ક્રુરતાપૂર્વક હત્યા નિપજાવાતા ચકચાર મચી છે. પાંચ વર્ષ પહેલા થયેલા ઝઘડાનો રોષ રાખી ત્રણ સગાભાઈઓએ મળી આધેડની હત્યાને અંજામ આપ્યો હોવાનું સામે આવ્યું છે. હત્યારાઓએ ક્રુરતા પૂર્વક તીક્ષ્ણ હથિયારોના ઘા મારી મૃતકનો એક હાથ પણ કાપી નાખ્યો હોવાનું સામે આવ્યું છે. પોલીસે આ મામલે વધુ તપાસ હાથ ધરી છે.

ક્રુરતાપૂર્વક મહેબુબ પર તૂટી પડ્યા હતા
મહેબુબ મુલતાની ગતરાત્રિએ એક સામાજિક પ્રસંગમાં જમાવા માટે ગયા હતા ત્યાં દિલીપસિંહ, ચેતનસિંહ અને રવિવાજ સિંહ નામના ત્રણ ભાઈઓ વચ્ચે ઝઘડો થયો હતો. ત્યારબાદ રાત્રિના સમયે જ ત્રણેય ભાઈઓ તીક્ષણ હથિયારો લઈને મહેબુબના ઘર પાસે પહોંચ્યા હતા અને ક્રુરતાપૂર્વક મહેબુબ પર તૂટી પડ્યા હતા. આરોપીએ એ હદે હુમલો કર્યો હતો કે મહેબુબનો એક હાથ પણ કપાઈ ગયો હતો.

જૂની અદાવતમાં હત્યાનો બનાવ બન્યો
મહેબુબ મુલતાનીને પાંચ વર્ષ પહેલા દિલીપસિંહ ઝાલા, ચેતનસિંહ ઝાલા અને રવિરાજસિંહ ઝાલા નામના ત્રણ ભાઈઓ સાથે ઝઘડો થયો હતો. જે તે સમયે મહેબુબ મુલતાની સામે હત્યાના પ્રયાસનો ગુનો પણ નોંધાયો હતો.

મૃતકની પત્નીને પણ ઈજા પહોંચી
રાત્રિના સમય બનેલા આ બનાવમાં મૃતક મહેબુબની પત્નીને પણ ઈજાઓ પહોંચી હતી. પોલીસે તેમની ફરિયાદ લેવા તજવીજ હાથ ધરી છે તો બીજી તરફ હત્યાને અંજામ આપનારા ત્રણેય ભાઈઓની શોધખોળ હાથ ધરવામાં આવી છે.