PHOTOS / અંતરિક્ષમાંથી કંઇક આવો દેખાય છે હિમાલય, UAEના એસ્ટ્રોનૉટે શેર કરી લેટેસ્ટ તસવીરો

• સુલતાન અલ નેયાદીએ અંતરિક્ષમાંથી હિમાલયની તસવીર શેર કરી 
• બે તસવીરો શેર કરીને જણાવ્યું કે  અંતરિક્ષમાંથી હિમાલય કેવો દેખાય
•  કેપ્શનમાં અલ નેયાદીએ લખ્યું, 'અવકાશ માંથી હિમાલય. એવરેસ્ટ સમિટનું ઘર

UAE Astronaut Share Photos of Himalayas From Space:સંયુક્ત આરબ અમીરાત (UAE) ના અવકાશયાત્રી સુલતાન અલ નેયાદી હાલમાં છ મહિના માટે એક મિશન પૂર્ણ કરવા માટે ઇન્ટરનેશનલ સ્પેસ સ્ટેશન (ISS) પર છે. જાણીતું છે કે તેઓ સોશિયલ મીડિયા પ્લેટફોર્મ X એટલે કે ટ્વિટર પર સ્પેસમાંથી લેવામાં આવેલી તસવીરો શેર કરતાં રહે છે. એવામાં હવે એમને એ દેખાડ્યું કે અંતરિક્ષમાંથી હિમાલય કેવો દેખાય છે. 

The Himalayas from space 🏔️

Home to the Everest summit, the highest point above sea level on earth, these mountains are one of the iconic landmarks of our planet's rich nature. pic.twitter.com/DiQqz0L95b

— Sultan AlNeyadi (@Astro_Alneyadi) August 12, 2023

વાત એમ છે કે અવકાશયાત્રી સુલતાન અલ નેયાદી એ હાલ જ અંતરિક્ષમાંથી લીધેલી હિમાલયની બે તસવીરો તેમના સોશિયલ મીડીયા અકાઉન્ટ પર શેર કરી છે.  સાથે જ પોતાના ટ્વીટના કેપ્શનમાં અલ નેયાદીએ લખ્યું, 'અવકાશ માંથી હિમાલય. એવરેસ્ટ સમિટનું ઘર, પૃથ્વી પર સમુદ્ર સપાટીથી સૌથી ઊંચો પોઈન્ટ. આ પર્વતો આપણા ગ્રહની સમૃદ્ધ પ્રકૃતિના પ્રતિષ્ઠિત સ્થળોમાંના એક છે.' નોંધનીય છે કે અગાઉ ટ્વિટર પર એમના દ્વારા શેર કરવામાં આવેલી તસવીરોને લોકો દ્વારા ખૂબ પસંદ કરવામાં આવી હતી. 

હાલ શેર કરેલી આ તસવીરોમાં તમે હિમાલય જોઈ શકો છો, જેના પર વાદળો પણ દેખાય છે. અલ નેયાદી માટે આ દૃશ્ય ચોક્કસપણે આશ્ચર્યજનક હોઈ શકે છે. સાથે જ આ પહેલા પણ ઘણા અવકાશયાત્રીઓ અવકાશમાંથી તસવીરો શેર કરી ચૂક્યા છે. નોંધનીય છે કે અલ નેયાદીએ મે મહિનામાં અવકાશમાંથી દુબઈનો અદ્ભુત રાત્રિનો નજારો શેર કર્યો હતો અને કેપ્શનમાં લખ્યું છે, "દુબઈ અહીંના તારાઓની જેમ ચમકે છે."

دار زايد من الفضاء

🇦🇪❤️

My beloved UAE from space pic.twitter.com/HjuVrcT9NR

— Sultan AlNeyadi (@Astro_Alneyadi) August 10, 2023

અવકાશમાંથી લીધેલી અગાઉની તસવીરો
આ પહેલા યુએસ સ્પેસ એજન્સી નાસાના અવકાશયાત્રી જોશ કસાદાએ ઓરોરા બોરેલિસની તસવીરો શેર કરી હતી. જેમાં પ્રકાશની લીલી ચાદર આપણા ગ્રહની ઉપર સુંદર રીતે લહેરાતી બતાવવામાં આવી હતી અને તેના બેકગ્રાઉન્ડમાં દૂરના શહેરની રોશની ઝગમગી રહી હતી. બીજી તરફ અલ નેયાદીની વાત કરીએ તો તેની હિમાલયની તસવીરોવાળી પોસ્ટ હાલ ખૂબ વાયરલ થઈ છે.