ઍલર્ટ / તો શું પૃથ્વી સાથે અથડાશે આ વિશાળકાય પથ્થર! કદ જાણીને જ પરસેવો છૂટી જશે, વૈજ્ઞાનિકોની ચેતવણી

• એક વિશાળ પથ્થર પૃથ્વીની કક્ષામાં પ્રવેશ કરી શકે છે
• પૃથ્વીની ખૂબ જ નજીક આવીને અથડાઈ શકે છે
• આ પથ્થર આશરે 1 કિલોમીટર પહોળો છે

NASA asteroid to crash in Earth: અંતરિક્ષમાં અનેક વખતે એવી ઘટનાઓ બનતી હોય છે જે માનવીને ચોંકાવી દે છે. જો કે વૈજ્ઞાનિકો દરેક ઘટનાઓ પર ચિંતા વ્યક્ત કરતા નથી. તેમને ખબર હોય છે કે પૃથ્વીના લોકોને કઈ ઘટનાથી ખતરો છે અને કઈ ઘટનાથી નથી. પરંતુ હાલમાં જ વૈજ્ઞાનિકોએ એક વિશાળ પથ્થરને લઈને એવી જાહેરાત કરી છે જેમાં તેઓ પણ ચિંતામાં છે અને માણસોએ પણ ચિંતિત રહેવાની જરૂર છે.  જો કે ગભરાવાની જરૂર નથી કારણ કે તે હજુ ચોક્કસ નથી કે આ ઘટના બનશે!

અહેવાલ મુજબ અમેરિકન સ્પેસ એજન્સી નાસા (NASA asteroid to crash in Earth) લાંબા સમયથી એક વિશાળ પથ્થરને ટ્રેક કરવામાં લાગ્યું છે. હવે સમાચાર   છે કે આ પથ્થર પૃથ્વીની કક્ષામાં પ્રવેશ કરી શકે છે અને પૃથ્વીની ખૂબ જ નજીક આવીને તેની સાથે અથડાઈ પણ શકે છે. આ વિશાળ એસ્ટેરોઇડનું નામ 199145 (2005 YY128) નામ આપવામાં આવ્યું છે. આ પથ્થર આશરે 1 કિલોમીટર પહોળો છે. વૈજ્ઞાનિકોએ કહ્યું કે આગામી સપ્તાહ સુધીમાં આ પથ્થર પૃથ્વીની કક્ષામાં ટકરાઈ શકે છે.

પૃથ્વીની નજીકથી પસાર થશે પથ્થર, વૈજ્ઞાનિકોએ આશંકા વ્યક્ત કરી
આ એસ્ટેરોઇડ 1870 થી લઈ 4265 ફૂટ સુધી મોટો હોવાનું જણાવાઈ રહ્યું છે. નાસાનું માનવું છે કે 16 ફેબ્રુઆરી સુધીમાં આ પથ્થર પૃથ્વીના 45 લાખ કિલોમીટર સુધી નજીક આવી જશે પરંતુ નાસાને એ વાત પર પૂરો ભરોસો નથી કે આ પથ્થર પૃથ્વીની કક્ષા સાથે અથડાશે કે નહીં અને તે પૃથ્વીને અસર કરી શકશે કે નહી. એવામાં તેમણે સ્પષ્ટતા કરી છે કે ગભરાવાની જરૂર નથી.

થોડા સમય પહેલાં પણ પસાર થયો હતો એક પથ્થર
હાલમાં જ અન્ય એક એસ્ટેરોઇડ પૃથ્વીની ખૂબ જ નજીકથી પસાર થયો હતો. રિપોર્ટ અનુસાર, 2023 BU 21ની ખબર જાન્યુઆરીએ થઈ હતી અને તે સાઉથ અમેરિકાના ઉપરથી 27 જાન્યુઆરી રાત્રે 12.30 પસાર થયો હતો. આ પથ્થર પૃથ્વીથી 3500 કિલોમીટર દૂરથી પસાર થયો હતો. તેનો અર્થ એ થયો કે આ પથ્થર દુનિયાની ટેલિકોમ્યુનિકેશન સેટેલાઇટ્સ કરતાં પણ 10 ગણો નજીક આવ્યો હતો. આ પથ્થરથી કોઈ નુકસાન થયું ન હતું કારણ કે તેની સાઈઝ   11 ફૂટથી લઈ 28 ફૂટ સુધીની જ હતી અને 82 ફૂટથી નાના પથ્થરો પૃથ્વીના વાયુમંડળમાં પ્રવેશતાની સાથે જ બળી જાય છે.