- સ્વીડનની કંપની આપી રહી છે ટ્રેનીંગ
- સાફ-સફાઈનો ખર્ચ ઘટશે
- પાયલટ પ્રોજેક્ટ પર ચાલી રહ્યું છે કામ
ગંદકી ફેલાવવામાં માણસો સૌથી આગળ છે. સડકો પર વિખરાયેલો કચરો તેનું સૌથી મોટું ઉદાહરણ છે. ચીપ્સના પેકેટ્સથી માંડીને પાણીની બોટલ તથા સિગારેટના ટુકડા સરળતાથી સડકો પર જોવા મળે છે. આ ત્યારે છે જ્યારે લોકોને શિક્ષિત તથા જાગરુક કરવા માટે સરકારો દર વર્ષે ભારે ખર્ચો કરે છે. સ્વીડને આ સમસ્યાથી નીપટવા માટે એક અનોખો રસ્તો શોધી કાઢ્યો છે.
સફાઈ પર મળે છે ઇનામ
જોકે સ્વીડનની સરકાર પોતાના લોકો પર કઠોરતા નથી લાગુ કરતી, પરંતુ ત્યાની એક કંપનીએ સફાઈ કર્મચારી તરીકે એવી નિયુક્તિઓ કરી છે, જેમનાથી પૂરી ઈમાનદારી સાથે કામ કરવાની આશા બાંધી શકાય છે. WIONમાં છપાયેલ ખબર અનુસાર, સ્વીડને સડકો તથા ચાર રસ્તાઓ પરથી સિગરેટના ટુકડાઓ ઉઠાવવા માટે કાગડાઓની ભરતી કરીઓ છે. આ કાગડાઓ માણસો દ્વારા ફેલાવવામાં આવેલ ગંદકીને સાફ કરે છે તથા તેના બદલે તેમને કંઈક ખાવા મળે છે.
કાગડાઓને ટ્રેનીંગ આપી રહી છે કંપની
સ્ટાર્ટ અપ કંપની કોર્વિડ ક્લીનીંગ (Corvid Cleaning)માટે કાગડાઓને ટ્રેનીંગ આપી રહી છે. તેમને સડક કિનારા પર મુકેલ ખાસ પ્રકારની ડસ્ટબિનમાં સિગારેટના ટુકડાઓ નાંખવાનું શીખવવામાં આવી રહ્યું છે. કામને સારી રીતે પૂરું કરવાવાળા કાગડાઓને ઇનામ સ્વરૂપ ખાવા માટે મગફળી આપવામાં આવે છે. જોકે, જો કાગડાઓ સિગારેટ સિવાય કંઈ બીજું ડસ્ટબિનમાં નાંખે છે તો તેમને ઇનામ નથી મળતું.
ખાસ પ્રકારની ડસ્ટબિન
Corvid Cleaningની વેબસાઈટ પર જણાવવામાં આવ્યું છે કે ડસ્ટબિનને ખાસ પ્રકારથી ડીઝાઇન કરવામાં આવી છે. જેવા કાગડાઓ સિગારેટના ટુકડાઓ નાંખે છે, તેમના માટે મગફળી બહાર આવે છે. પરંતુ જો તેઓ પત્થર કે પાંદડાઓ જેવું કંઇક ડસ્ટબિનમાં નાંખે છે, તો તેમને કઈ જ ઇનામ નથી મળતું. આ સમગ્ર પ્રક્રિયામાં માનવીય ભાગીદારી કેવળ ડસ્ટબિનમાંથી કચરો બહાર કાઢવાની છે. કંપનીનું કહેવું છે કે આ પ્રોજેક્ટથી સાફ-સફાઈ પર થનાર ખર્ચ ઘણો ઓછો થઇ શકે છે.
Corvid Cleaning અત્યારે પાયલટ પ્રોજેક્ટ પર કામ કરી કર્યું છે. જો આ સફળ થાય છે તો મોટા પાયે પણ આ વપરાશમાં આવી શકે છે.
