Car Care Tips / જો તમને પણ છે લૉન્ગ ટાઇમ સુધી ડ્રાઇવિંગ કરવાની આદત, તો ચેતી જજો, નહીં તો થશે ભારે નુકસાન

• કારનાં કેટલાક પાર્ટસનું ખાસ ધ્યાન રાખવું જોઈએ
• સમયસર આ કારને ચેક કરાવતાં રહેવું જોઈએ
• કારની લાઈફને લાંબી કરવા માટે એલર્ટ રહેવું આવશ્યક

આજનાં સમયમાં કાર એક જરૂરિયાત થઈ ગઈ છે. મોટાભાગનાં લોકો પોતાની કારથી ટ્રાવેલ કરવું વધારે પસંદ કરતાં હોય છે. તેવામાં આપણી ડ્રાઈવિંગ કરવાની રીત પણ કારની લાઈફ નક્કી કરે છે. જો તમે લાંબા સમય સુધી તમારી કારને સ્વસ્થ રાખવા ઈચ્છો છો તો આ ભૂલો કરવાનું ટાળજો.

ટાયરનું ધ્યાન રાખવું
લાંબા સમય સુધી કારને ચલાવવાથી ઘણી વખત ટાયર ખરાબ થઈ જતાં હોય છે. હજારો કિલોમીટર સુધી જ્યારે કાર ચલાવવામાં આવે છે ત્યારે ટાયરમાં હવાનું પ્રેશન, અલાઈનમેંટ, બેલેન્સિંગ વગેરે ખરાબ રોડનાં કારણે ખરાબ થાય છે. જેને યોગ્ય સમયે ચેક કરાવતાં રહેવું જોઈએ અને ટાયરમાં સમયસર હવા ભરતાં રહેવું જોઈએ.

એન્જિન ઓઈલ
ઘણીવખત લોકો કારનાં એન્જિનનાં ઓઈલને ચેક કર્યાં વગર જ કારને ચલાવ્યાં રાખે છે. 10 હજાર કિલોમીટર પર કારનું ઓઈલ બદલવું જોઈએ જેનાથી કારનાં એન્જિનને નુક્સાન ન થાય.

ખરાબ ઓઈલનો ઉપયોગ
નવી કારમાં અનેક પ્રકારનાં ફિલ્ટર હોય છે પણ જો કારમાં સતત ખરાબ ક્વોલિટીનો પેટ્રોલ કે ડીઝલ ભરાવવામાં આવે તો તેનાથી કારને મોટું નુક્સાન થઈ શકે છે. ખરાબ ઈંધણનાં કારણે એન્જિનનાં અંદરનાં પાર્ટસ્ જલ્દી ખરાબ થઈ જાય છે.

બ્રેક અને ગિયર ઓઈલ
કંપની દ્વારા લાંબા સમય સુધી ટકે એ પ્રકારનાં ઓઈલથી બ્રેક અને ગેયરને ભરવામાં આવે છે. પણ ક્યારેક કોઈ કારણોસર જો આ ઓઈલ ખરાબ થઈ જાય અથવા લીકેજ થાય તો બેદરકાર થયાં વિના ઓઈલિંગ કરાવવું જોઈએ.