વિચારણા / UPI લેણદેણમાં થશે મેજર ચેન્જ! પેમેન્ટ કરવા માટે લાગશે 4 કલાકનો સમય, નુકસાન કરતાં ફાયદો વધારે

• યુપીઆઈથી પેમેન્ટને લઈને મહત્વના સમાચાર
• યુપીઆઈ પેમેન્ટનની પદ્ધતિમાં થઈ શકે છે મોટો બદલાવ
• ડિજિટલ યુગમાં છેતરપિંડીના વધતા જતા કિસ્સાઓને લઈ બદલાવની શક્યતા

જો તમે પણ યુપીઆઈથી પેમેન્ટ કરો છો તો તમારા માટે મહત્વના સમાચાર સામે આવી રહ્યા છે. કારણ કે ડિજિટલના આ યુગમાં છેતરપિંડીના વધતા જતા કિસ્સાઓને લઈને સરકાર દ્વારા હવે યુપીઆઈ પેમેન્ટનની પદ્ધતિમાં મોટો બદલાવ કરવામાં આવી શકે છે. જો આ બદલાવને અમલમાં મૂકવામાં આવશે તો ઘણા યુઝર્સ માટે તે ફાયદાકારક રહેશે. તો ઘણા યુઝર્સ માટે પરેશાની પણ થઈ શકે છે.

પેમેન્ટ કરવાની પદ્ધતિ સંપૂર્ણપણે બદલાઈ શકે છે
સરકાર દ્વારા ઓનલાઈન છેતરપિંડી રોકવા માટે દરખાસ્તો માંગવામાં આવી હતી. આ દરમિયાન યુપીઆઈ પેમેન્ટમાં ફેરફાર કરવા માટે સરકારને અમૂક પ્રસ્તાવ મળ્યો છે. હવે આ પ્રસ્તાવનો સ્વીકાર કરવામા આવે તો યુપીઆઈ દ્વારા ઓનલાઈન પેમેન્ટ કરવાની પદ્ધતિ સંપૂર્ણપણે બદલાઈ શકે છે.

UPI પેમેન્ટમાં 4 કલાકનો વિલંબ?

UPI ટ્રાન્ઝેક્શનને મર્યાદિત કરવાના નિર્દેશ અંગે પણ સરકારને એક પ્રસ્તાવ મળ્યો હતો. જેમાં જો તમે પહેલીવાર કોઈને 2000 રૂપિયાથી વધુનું ઓનલાઈન પેમેન્ટ કરો તો 4 કલાકનો વિલંબ અપાઈ શકે છે.  જેથી ફ્રોડ થતુ અટકી શકે છે. જોકે આ સમય મર્યાદાને લઈને સમસ્યા પણ થઈ શકે છે.  કારણ કે જો તમે રૂ. 2000 કે તેથી વધુ કિંમતની કરિયાણું કે કોઈ વસ્તુ ખરીદશો તો? 2000 ની મર્યાદા અડચણરૂપ બની શકે છે.

ઓનલાઈન છેતરપિંડી સામે સતર્કતા

હાલની સ્થિતિમાં 5,000 રૂપિયાથી વધુ કોઈને  ટ્રાન્સફર કરી થઈ શકતા નથી. 5,000 રૂપિયાનું એક વખતના ચુકવણા બાદ આગામી 24 કલાકમાં મહત્તમ 50, 000 રૂપિયાની ચુકવણી થઈ શકે છે. આરબીઆઈના રિપોર્ટ અનુસાર, વર્ષ 2022-23માં કુલ ચૂકવણીમાં 13,530 છેતરપિંડી ચૂકવણી સામેલ હતી. તેની કુલ કિંમત 30,252 કરોડ રૂપિયા છે. આ ફ્રોડમાં 49 ટકા અથવા રૂ. 6,659 કરોડની ડિજિટલ પેમેન્ટનો સમાવેશ થતો હોવાનું જાણવા મળી રહ્યું છે.