બિહાર ચૂંટણી 2020 / ...તો હું ભાજપમાં જોડાઈ જઈશ, જાણો કન્હૈયા કુમારે કેમ આપ્યું આવું નિવેદન

• કન્હૈયા કુમાર બિહારમાં મહાગઠબંધન માટે કરી રહ્યા છે પ્રચાર 
• કન્હૈયા CPI ના સ્ટાર પ્રચારકોની લિસ્ટમાં સામેલ છે 
• બિહાર ચૂંટણીમાં બખરી અને તેઘરા સીટ પર કર્યો હતો પ્રચાર 

નામાંકન ભર્યા બાદ પછી જાહેર સભાને સંબોધન કરતાં કન્હૈયા કુમાર એ કહ્યું કે 2015 ની વિધાનસભાની ચૂંટણીમાં લોકોએ જનતા દળ યુનાઇટેડ JDU , રાષ્ટ્રીય જનતા દળ RJD અને કોંગ્રેસના મહાગઠબંધન ને વોટ આપ્યા હતા અને  અને નીતીશ કુમાર મુખ્યમંત્રી બન્યા હતા. પરંતુ ભાજપે મુખ્ય પ્રધાન ને હેક કરી લીધા હતા. તેમણે લોકોને આ ચૂંટણીમાં એવા લોકોને વોટ આપવાની અપીલ કરી હતી જે સમય આવ્યે બદલાઈ જતા નથી. 

પહેલા કહેવાતું કે EVM હેક થાય છે, અહીં તો મુખ્યમંત્રી જ હેક થઈ ગયા છે : કન્હૈયા કુમાર 

કન્હૈયાએ કહ્યું કે પહેલા લોકો કહેતા હતા કે EVM હેક થાય છે, પરંતુ હવે ભાજપે અહીં મુખ્ય પ્રધાન ને હેક કરી લીધા હતા. ભાજપ પર કટાક્ષ કરતાં તેમણે કહ્યું કે જ્યોતિરાદિત્ય સિંધિયા કોંગ્રેસમાં હતા ત્યારે તેમને ખરાબ કહેવામાં આવતું હતું પરંતુ ભાજપમાં જોડાતાની સાથે જ તેઓ શુદ્ધ થઈ ગયા છે.

મને વધુ ગદ્દાર કે દેશદ્રોહી કહેસો તો ભાજપમાં સામેલ થઈ જઈશ : કન્હૈયા કુમાર 

જો તમે અમને હવે વધુ દેશદ્રોહી કે પછી ગદ્દાર છો એવું કહેશો, તો અમે પણ ભાજપ માં જોડાઈ જશું અને ત્યારબાદ મારા ઉપરના તમામ આક્ષેપો સમાપ્ત થઈ જશે. મહત્વનું છે કે CPI એ RJD ની આગેવાની હેઠળના મહાગઠબંધનનો એક ભાગ છે. બખરી અને તેઘડા વિધાનસભાની બેઠકો આ પાર્ટીના ખાતામાં આવી ગઈ છે. પાર્ટીએ સૂર્યકાંત પાસવાન અને રામ રતન સિંહને બખરીથી ઉમેદવાર જાહેર કર્યા હતા.

ભાજપ પર પ્રહાર કરતા કન્હૈયા કુમાર એ કહ્યું કે જનતા સમજી ગઈ છે અને હવે તેઓ જુમલેબાજો થી પ્રભાવિત થવાના નથી અને તેના બદલે વિકાસના મુદ્દે મતદાન કરશે. કન્હૈયા કુમાર CPI ના સ્ટાર પ્રચારકોની યાદીમાં છે. પાર્ટીએ તાજેતરમાં જ તેના 30 સ્ટાર પ્રચારકોની સૂચિ બહાર પાડી છે. પાર્ટીના મહાસચિવ ડી રાજા, કન્હૈયા કુમાર અને બિહારના સેક્રેટરી રામનરેશ પાંડેના નામ તેમાં ટોચ પર છે.