ગુજરાત / 5 વિધાનસભા બેઠકો પર સરેરાશ મતદાન 59.47 ટકા, સૌથી ઓછું માણાવદરમાં, જાણો સૌથી વધુ ક્યાં

લાકશાહીના આ મહાપર્વના રંગમાં રંગાવવા વહેલી સવારથી મતદારોની લાબી કતારો લાગી હતી અને નાગરિકોમાં મતદાન કરવાનો ઉત્સાહ જોવા મળ્યો હતો. નાગરિકો સહપરિવાર સાથે મતદાન કરવા ઉમટી પડ્યાં હતાં. ત્યારે ગુજરાતમાં 25 લોકસભા બેઠક પર 266 અને વિધાનસભાની 5 બેઠક પર 26 ઉમેદવારોનું ભાવી EVMમાં કેદ થયો છે. ત્યારે વિધાનસભાની બેઠકો પરના મતદાનની વાત કરીએ તો વિધાનસભાની બેઠકો સરેરાશ મતદાન 59.47 ટકા નોંધાયું છે

માણવદર વિધાનસભા બેઠક સૌથી ઓછુ 53.93 ટકા મતદાન

5 વિધાનસભા બેઠકો પર પેટાચૂંટણીને લઈ મતદાન થયું હતું. જેમાં ખંભાત, વિજાપુર, વાઘોડિયા, પોરબંદર અને માણાવદર બેઠકનો સમાવેશ છે. પાપ્ત આંકડા મુજબ વાત કરીએ તો પાંચ વિધાનસભાની પેટાચૂંટણીમાં સરેરાશ 59.47 ટકા મતદાન નોંધાયું છે. વાઘોડિયા બેઠક પર સૌથી વધુ મતદાન થયું છે. જ્યાં 70.20 ટકા મતદાન થયું છે. જ્યારે માણવદરમાં સૌથી ઓછુ 53.93 ટકા મતદાન થયું છે. વિજાપુરમાં 59.47 ટકા જ્યારે ખંભાતમાં 59.90 ટકા મતદાન નોંધાયું છે.

કઈ વિધાનસભા બેઠકો પર કેમ પેટા ચૂંટણી યોજાઈ ?

પોરબંદર બેઠક

પોરબંદરના કોંગ્રેસના ધારાસભ્ય પદેથી અર્જુન મોઢવાડિયાનું રાજીનામું આપી ગેતા આ બેઠક ખાલી હતી.

વિજાપુર બેઠક

આ બેઠક પર પણ કોંગ્રેસના ધારાસભ્ય પદેથી સી.જે.ચાવડાનું રાજીનામું ધરી દીધું હતું.

માણાવદર બેઠક

માણાવદર પર પણ સ્થિતિ એ સર્જાઈ હતી કે, કોંગ્રેસ ધારાસભ્ય પદેથી અરવિંદ લાડાણી રાજીનામું આપ્યું હતું.

ખંભાત બેઠક

ખંભાત વિધાનસભા બેઠક પરથી કોંગ્રેસ ધારાસભ્ય પદેથી ચિરાગ પટેલે રાજીનામું આપ્યું હતું.

વાંચવા જેવું: ચૂંટણી પંચને 24,131 ફરિયાદો મળી, ત્રણ દુઃખદ ઘટના, શાંતિપૂર્ણ માહોલમાં ચૂંટણી પ્રક્રિયા સંપન્ન

વાઘોડિયા બેઠક

વાઘોડિયાના અપક્ષના ધારાસભ્ય ધર્મેન્દ્રસિંહ વાઘેલાએ ધારાસભ્ય પદેથી રાજીનામું આપ્યું હતું.