અમદાવાદ / વટવામાં ભરબજારે દુકાનમાં જ દુકાનદારની કરપીણ હત્યા શું હતું કારણ....

Dharmishtha

Last Updated: 07:45 PM, 1 November 2019

FOLLOW ON

શેર કરો

અમદાવાદમાં વધુ એક હત્યાં થઈ છે. તહેવારનાં માહોલમાં એક દુકાનદારને અજાણ્યાં ઈસમોએ દુકાનમાં ઘૂસીને હત્યાં કરી નાંખી છે. વટવા વિસ્તારમાં બનેલી આ હત્યાનાં પગલે પોલીસે ગુનોં નોંધી તપાસ હાથ ધરી છે. ત્યારે કરિયાણાની દુકાન ચલાવનાર યુવકની હત્યા કોણે અને કેવી રીતે કરી તેવા અનેક સવાલો ચર્ચાઈ રહ્યાં છે.

વટવામાં એક યુવકની હત્યા કરાયી
દુકાનદાર યુવકની હત્યા દુકાનમાં ઘૂસીને કરવામાં આવી
પત્ની પતિને લોહીલુહાણ જોઈ બુમો પાડવા લાગતા ઘટનાની જાણ થઈ

દિનેશની પત્ની કેમ જોર જોરથી બુમો પાડી રહી હતી

મૂળ રાજસ્થાનનાં અને હાલ વટવા આશાપુરામાં રેસીડેન્સીમાં રહેતા બુદ્ધારામ પક્કારામજી ચૌધરી (24) મામાનાં દિકરા દિનેશની દુકાની લાઈનમાં જ મહાલક્ષ્મી ડેરી ધરાવી ધંધો કરે છે. તેઓ ગુરુવારે રાતે 11 વાગ્યાની આસપાસ દુકાને હતાં. તે દરમિયાન દિનેશનાં પત્ની જોર જોરથી રડી રહ્યાં હતાં અને બુમો પાડી રહ્યાં હતાં. બુદ્ધારામે નજીક જઈને જોયું તો દિનેશ દુકાની અંદર લોહી લુહાણ પડ્યો હતો.

હથિયાર વડે થયો માથા પર વાર

મૂળ રાજસ્થાનનાં અને વટવામાં રહેતા દિનેશકુમાર માલારામ ચૌધરી વટવા મહાલક્ષ્મી તળાવ પાસે મહાલક્ષ્મી પ્રોવિઝન સ્ટોર નામની દુકાન ધરાવતાં હતાં. તેઓ પત્ની સાથે મળી કરિયાણાની દુકાન ચલાવતાં હતાં. ગુરુવારે રાતે 11 વાગ્યાની આસપાસ દિનેશ તેમની દુકાને હતાં. તે દરમિયાન અજાણ્યાં લોકોએ કોઈ હથિયાર વડે તેમનાં માથાં પર વાર કરી હત્યા કરી હતી.

108નાં કર્મીઓએ દિનેશને સ્થળ પર જ મૃતક જાહેર કર્યો

દિનેશને લોહીલુહાણ જોઈને બુદ્ધારામ અને તેનાં મિત્ર પવન સાથે બહાર લાવ્યાં હતાં. તેમજ તેમણે 108ને બોલાવી હતી. જોકે 108એ દિનેશને મૃતક જાહેર કર્યો હતો. બુદ્ધારામે દિનેશની હત્યાનાં પગલે અજાણ્યાં ઈસમો વિરુદ્ધ હત્યાનો ગુનો વટવા પોલીસ સ્ટેશનમાં દાખવ કરાવ્યો હતો. વટવા પોલીસ ઘટનાનાં પગલે સ્થળ પર પહોંચી હતી. તેમજ પંચનામું કરી દિનેશનાં મૃતદેહને પોસ્ટમોર્ટમ માટે મોકલ્યો હતો.

સંકળાયેલા મુદ્દાઓ

Gujarati News ahmedabad murder shopkeeper અમદાવાદ ગુજરાતી ન્યૂઝ દુકાનદાર હત્યા ahmedabad