ગાંધીનગર / પેથાપુર શિવાંશને ત્યજી દેવાનો મામલો : મહેંદી હત્યા કેસને લઈને સચિનને સાથે રાખી પોલીસ કરશે રિકન્સ્ટ્રક્શન

• પેથાપુરમાં બાળક ત્યજી દેવાનો મામલો
• સચિનને સાથે રાખી રિકન્સ્ટ્રક્શન કરાશે
• સચિનની કોલ ડિટેલ્સની કરાશે તપાસ

પેથાપુરમાં બાળક શિવાંશને તરછોડવા અને મહેંદીની હત્યા મામલે આરોપી સચિન દિક્ષિતની ધરપકડ કરી દેવામાં આવી છે જે બાદ ક્રાઈમ બ્રાન્ચે તપાસનો ધમધમાટ શરૂ કરી  છે એવામાં આજે આરોપી સચિનના બે મોબાઈલ પણ કબ્જે કરાયા છે. 

આરોપી સચિનના બે મોબાઇલ જપ્ત

SOG એ સચિન દિક્ષિતના મોબાઈલ જપ્ત કરી મોબાઈલની કોલ ડિટેલ્સના આધારે તપાસ કાર્યવાહી હાથ ધરી છે જેમાં આરોપી સચિન દિક્ષિતે મહેંદીની હત્યા બાદ કોની સાથે વાત કરી અને કોને કોને મળ્યો તેમજ મોબાઈલ લોકેશન આધારે પોલીસે કાર્યવાહી હાથ ધરી છે. એટલે જ નહીં મોબાઈડ ડેટા માટે પોલીસ FSLની મદદ પણ લઈ શકે તેવું માનવમાં આવી રહ્યું છે. સચિન અને મહેંદી કેટલા સમયથી સંપર્કમાં હતા પોલીસે તે દિશામાં પણ તપાસ શરૂ કરી છે  

આરોપી સચિનને ઘટના સ્થળે લઇ જવાશે

પોલીસ આરોપી સચિન દિક્ષિતને ઘટના સ્થળે લઈ જશે અને ઘટના સ્થળેથી પુરાવાઓ એકત્ર કરશે,મહત્વનું છે કે સચિનને ગાંધીનગર અને અમદાવાદ ખાતે લઇ જવાશે અને ગુના સાથે જોડાયેલા સ્થળોએ રિકન્સ્ટ્રક્શન કરવામાં આવશે, આવતીકાલે પોલીસે સચિન દીક્ષિતને વડોદરા તપાસ માટે લઈ જશે જો કે પોલીસ તપાસમાં આરોપી સચિનને કોઈએ મદદ ન કરી હોવાનું સામે આવ્યું છે. અને સમગ્ર ઘટનામાં આરોપીનો પરિવાર પણ સામેલ ન હોનાનું સામે આવ્યું છે. 

સચિનને સાથે રાખી રિકન્સ્ટ્રક્શન કરાશે

અહી ઉલ્લેખનિય છે કે વડોદરાની ખાનગી કંપનીમાં નોકરી કરતા અને ગાંધીનગરમાં માતા-પિતા અને પત્ની સાથે રહેતો સચિન દીક્ષિત પોતાની પ્રેમિકા કહેવાતી મહેંદી  ઉર્ફ હીના પેથાણી સાથેના સંબંધથી બાળક શિવાંશનો જન્મ 2020 માં થયો. પોલીસ થિયરી મુજબ,સચિન દીક્ષિત અને પ્રેમિકા મહેંદી વચ્ચે પરિવાર સાથે રહેવાની બાબતે થયેલી ઉગ્ર બોલાચાલી બાદ, મહેંદીની ગળું દબાવી સચિને હત્યા કરી નાખી હતી. બાદમાં મૃતદેહને બેગમાં પેક કરીને રસોડામાં મૂકી દીધો હતો. સૌથી મોટો સવાલ એ છે કે, એ જ દિવસે મહેંદી ઉર્ફ હીના ની હત્યા થઇ,જે દિવસે શિવાંશને ગૌશાળામાં તરછોડવા સચિન પેથાપૂર પહોચ્યો હતો.