વિવાદ / 'ચાર્જશીટની કૉપી જોઇ આગામી નિર્ણય...', પહેલવાનો આજે કરશે નવી રણનીતિનું એલાન

• ચાર્જશીટ જોયા બાદ કુસ્તીબાજો નવી વ્યૂહરચના જાહેર કરશે
• વકીલે ચાર્જશીટની નકલ માટે અરજી દાખલ કરી છે
• અમને આપેલા વચનો પૂરા થાય છે કે નહીં એ પણ જોઈશું 

રેસલિંગ ફેડરેશન ઓફ ઈન્ડિયા (WFI)ના ભૂતપૂર્વ પ્રમુખ બૃજભૂષણ શરણ સિંહ પરના વિવાદમાં ચાર્જશીટ જોયા બાદ કુસ્તીબાજો આજે નવી વ્યૂહરચના જાહેર કરશે. આ અંગે સાક્ષી મલિકે કહ્યું- "ચાર્જશીટથી સ્પષ્ટ છે કે બૃજભૂષણ દોષિત છે, પરંતુ અમારા વકીલે ચાર્જશીટની નકલ માટે અરજી દાખલ કરી છે જેથી અમે તેમના પર લાગેલા આરોપોને વહેલી તકે શોધી શકીએ, અમે જોશું કે તે આરોપ સાચો છે કે નહીં. અમે બધું જોયા પછી આગળનું પગલું લઈશું. એ પણ જોઈશું કે અમને આપેલા વચનો પૂરા થાય છે કે નહીં."

એ તો આપણએ બધા જાણીએ જ છીએ કે દિલ્હી પોલીસે મહિલા કુસ્તીબાજોનું યૌન શોષણ કરવાના આરોપમાં બૃજભૂષણ શરણ સિંહ વિરુદ્ધ ચાર્જશીટ દાખલ કરી છે. ચાર્જશીટમાં પોલીસે કહ્યું છે કે તેમની વિરુદ્ધ પોક્સો એક્ટ લગાવવાના કોઈ પુરાવા મળ્યા નથી. પોલીસે ચાર્જશીટમાં બ્રિજભૂષણ પર કલમ ​​354, 354-A, 354-D અને 506(1) હેઠળ આરોપ મૂક્યો છે. બૃજભૂષણ સિંહની ધરપકડ માટે સતત વિરોધ કરી રહેલી રેસલર સાક્ષી મલિકે ચાર્જશીટ પર પ્રતિક્રિયા આપી છે.

આ પહેલા ગુરુવારે દિલ્હી પોલીસે પટિયાલા હાઉસ કોર્ટમાં સગીર સાથે થયેલા યૌન શોષણ પર 550 પાનાનો ક્લોઝર રિપોર્ટ દાખલ કર્યો હતો. જેમાં બ્રિજ ભૂષણને ક્લીનચીટ મળી છે. તે જ સમયે, 6 પુખ્ત કુસ્તીબાજોના યૌન શોષણના કેસમાં, લગભગ 1000 પાનાની ચાર્જશીટ દિલ્હીની રાઉઝ એવન્યુ કોર્ટમાં રજૂ કરવામાં આવી હતી. 

હવે આકુસ્તીબાજોનું વલણ શું હશે, તેના પર સૌની નજર ટકેલી છે. કુસ્તીબાજોએ 15 જૂને ચાર્જશીટ રજૂ કર્યા પછી જ તેમની આગામી રણનીતિની જાહેરાત કરવાની વાત કરી હતી. જોકે કુસ્તીબાજોએ 16 કે 17 જૂને પોતાની રણનીતિ જણાવવાનું કહ્યું હતું. 

રેસલિંગ ફેડરેશન ઓફ ઈન્ડિયાના અધ્યક્ષ પદ પર રહેલા બૃજભૂષણ સિંહ સામે અનેક મહિલા કુસ્તીબાજોએ જાતીય સતામણીનો કેસ દાખલ કર્યો છે. તેની સામે દિલ્હીમાં FIR દાખલ કરવામાં આવી છે. જેમાં પોલીસે ચાર્જશીટ દાખલ કરી છે. એક તરફ કુસ્તીબાજો તેમની ધરપકડની માંગ માટે સતત આંદોલન કરી રહ્યા છે, તો બીજી તરફ બૃજભૂષણ સિંહ તેમના પર લાગેલા આરોપોને પાયાવિહોણા અને રાજકારણથી પ્રેરિત ગણાવી રહ્યા છે.