ક્રાઈમ / હું પ્રેમ કરતો હતો, પણ મારી એક વાત ન માની એટલે પતાવી નાંખ્યા: 75 વર્ષના વેપારીના મર્ડરમાં આરોપીનો શૉકિંગ ખુલાસો

• તારાપુરમાં 75 વર્ષના વેપારીની હત્યા
• છરીના ઘા મારી હત્યાને અંજામ
• 'મારે વેપારી સાથે જાતિય સંબંધ હતા'

આણંદના તારાપુરમાં એક 75 વર્ષના વેપારીની હત્યા કરી દેવામાં આવી હતી. છરીના ઘા મારીને કોઈ ફરાર થઈ ગયું હતું. વેપારી પાસે રહેલ એક સોનાનો ચેઈન ગુમ હતી તેમજ વેપારીને કોઈની સાથે દુશ્મની ન હતી. તારાપુર પોલીસ સ્ટેશન વિસ્તારમાં બનેલા આ વણ ઉકેલાયેલા ખૂનના ગુનાને ભેદ ગણતરીના દિવસોમાં SOG  અને  LCB આણંદ પોલીસ ઉકેલી લીધો છે. જેમાં હત્યા પાછળનું કારણ અનોખું જાણવા મળ્યું છે. 

તિક્ષ્ણ હથિયારથી હત્યા કરી
તારાપુરમાં રહેતા વૃદ્ધ વેપારી પિતાંબર દાસ મહેશ્વરી ખાટલાના વેપાર સાથે સંકળાયેલા હતા. જેઓ તારીખ 25-6-2023ના રોજ બપોરના પોતાના ધરે હતા તે દરમિયાન અજાણ્યો ઈસમ ખાટલા ખરીદવાના બહાને આવી પીતાબંરદાસને ગળાના  ભાગે તિક્ષ્ણ હથિયાર ચલાવી હત્યા કરી ફરાર થઈ ગયો હતો. આ હત્યા થતાં તારાપુરમાં ચકચાર મચી જવા પામી હતી. જે સમગ્ર મામલે તારાપુર પોલીસ દ્વારા જુદીજુદી ટીમો બનાવી સી.સી.ટી.વી ફોટોઝની તપાસ હાથધરી હતી.

આરોપીના પિતાબંરદાસ સાથે સમલૈંગિક સંબંધો
પોલીસે જુદી જુદી ટીમો દ્વારા હત્યાનાં ગુનાની તપાસ કરવામાં આવતા પોલીસને માહિતી મળી હતી કે મૃતક વૃદ્ધ પિતાબંરદાસ સાથે સમલૈંગિક સંબધો ધરાવતા શખ્સનો હાથ આ હત્યા પાછળ છે, જેથી પોલીસે સીસીટીવી કેમેરાનાં ફુટેજમાં એક અજાણ્યો યુવક શંકાસ્પદ ગણાતા પોલીસે તપાસ હાથ ધરી મળેલી બાતમીનાં આધારે ઉત્તરપ્રદેશ પોલીસની મદદથી એસઓજીની ટીમે ઉત્તરપ્રદેશનાં દેવરીયા જિલ્લાનાં ફતેપુર લેહદા ખાતેથી ગોવિંદ ઓમપ્રકાસ યાદવને ઝડપી લઈ તેને આણંદ એસઓજી કચેરીમાં લાવી પુછપરછ હાથ ધરી હતી.

ઉત્તરપ્રદેશથી આરોપી ઝડપાયો
પોલીસે ગુનાનો ભેદ ઉકેલવા માટે વિવિધ ટીમ બનાવી શોધખોળ હાથ ધરતા જાણવા મળ્યું હતું કે, મૃતક વૃદ્ધ પિતાબંરદાસ સાથે સમલૈંગિક સંબધો ધરાવતા શખ્સનો હાથ આ હત્યા પાછળ છે. જે શંકાના આધેરે તપાસ હાથધરી હતી. જે બાદ પોલીસે બાતમીનાં આધારે ઉત્તરપ્રદેશ પોલીસની મદદથી ઉત્તરપ્રદેશનાં દેવરીયાના ફતેપુર લેહદા ખાતેથી ગોવિંદ ઓમપ્રકાસ યાદવ નામના વ્યક્તિને ઝડપી લીધો હતો અને વધુ તપાસ હાથ ધરી હતી. 

પોલીસ પૂછપરછ શું જણાવા મળ્યું
પોલીસની પૂછપરછમાં આરોપી ગોવિંદ યાદવે જણાવ્યું હતું કે, છેલ્લા કેટલાક સમયથી મૃતક પિતાંબરદાસ સાથે તે સમલૈંગિક સંબધો ધરાવતો હતો તેમજ પિતાબંરદાસ ગળામાં સોનાની ચેઈન પહેરતો હતો જેને લઈ આરોપી પૈસાની જરૂર હોઈ તેણે પિતાંબરદાસના ઘરે જઈ તેમની સાથે સમલૈગિંક સબંધો બાંધ્યા હતા ત્યારબાદ તેમની છરા વડે હત્યા કરી હતી અને ગળામાંથી સોનાની ચેઈનની લુંટ ચલાવી ત્યારબાદ નાસી છુટયો હતો. 

'હું વેપારીને પ્રેમ કરતો હતો'
પોલીસે ગોવિંદ નામના યુવકની ધરપકડ કરી હતી અને તેની પાસેથી એક સોનાનો ચેઈન પણ જપ્ત કરી હતી. ગોવિંદે પોલીસ સમક્ષ જણાવ્યું હતું કે  વેપારીને હું પ્રેમ કરતો હતો તેની સાથે મારે જાતિય સંબંધ હતા. પરંતુ જે દિવસે હત્યાને અંજામ આપ્યો તે દિવસે તેણે મારી એક વાત ન માની આ માટે મેં તેની હત્યાને અંજામ આપ્યો છે.