આગાહી / ગુજરાતમાં અપર એર સિસ્ટમ થઈ સક્રિય: આ જિલ્લાઓમાં વરસાદ ફેરવશે પથારી, આગાહી ટેન્શનવાળી

• રાજ્યમાં બે દિવસ કમોસમી વરસાદ
• હવામાન વિભાગે આગાહી કરી જાહેર
• દક્ષિણ-પૂર્વીય અરબી સમુદ્રમાં સર્ક્યુલેશન સક્રિય

Gujarat Weather Forecast: કડકડતી ઠંડી વચ્ચે હવામાન વિભાગે ફરી કમોસમી વરસાદની આગાહી કરી છે. ખેડૂતોને ચિંતા વધારતી કમોસમી આગાહીને લઈ પાક નુકસાનીના ફરી વાદળો ઘેરાયા છે. દક્ષિણ-પૂર્વીય અરબી સમુદ્રમાં અપર એર સાયક્લોનિક સર્ક્યુલેશન સક્રિય થયો છે. સાયક્લોનિક સર્ક્યુલેશનને લીધે ગુજરાતમાં હળવો વરસાદ પડી શકે તેમ હવામાન ખાતાના અધિકારીએ જણાવ્યું છે. 

અપર એર સાયક્લોનિક સર્ક્યુલેશનને લીધે આગાહી
આજે અને આવતીકાલે રાજ્યના કેટલાક ભાગોમાં છુટાછવાયા વરસાદની આગાહી કરવામાં આવી છે. આગામી બેથી ત્રણ દિવસ માટે તાપમાનમાં મોટો ફેરફાર નહીં થાય. ત્યારબાદ ત્રણ દિવસ બાદ તાપમાનમાં બેથી ત્રણ ડિગ્રી વધતા ઠંડીમાં ઘટાડો થઈ શકે છે. 

વાંચવા જેવું: અમરેલી, વલસાડ સહિતના જિલ્લાઓમાં આજે ત્રાટકી શકે વરસાદ, હજુ આવતીકાલે પણ સંકટના વાદળ

આ જિલ્લાઓમાં પડી શકે છે વરસાદ
ઉત્તર અને દક્ષિણ ગુજરાત સહીત સૌરાષ્ટ્રના કેટલાક જિલ્લામાં પણ હળવા વરસાદની આગાહી કરવામાં આવી છે. નર્મદા, તાપી, ડાંગ, નવસારી, વલસાડ, દીવ દમણ અને દાદરાનગર હવેલીમાં વરસાદની આગાહી કરાઈ છે. તો બીજી તરફ અમરેલી, જામનગર, સાબરકાંઠા, અરવલ્લી, મહીસાગર, દાહોદમાં પણ આગાહી કરવામાં આવી છે. સાથો સાથ ગાંધીનગર, અમદાવાદ, બોટાદ, અમરેલી, ભાવનગર અને ગીર સોમનાથમાં જિલ્લામાં પણ હળવો વરસાદ પડી શકે છે.  આગામી 2-3 દિવસમાં તાપમાનમાં કોઈ મોટો ફેરફાર નહીં થાય, જ્યારે આગામી 3 દિવસ બાદ તાપમાન 2-3 ડિગ્રી વધી શકે જેના કારણે ઠંડી ઘટશે