જાણી લેજો / UPI યૂઝર્સ માટે સરકારે બહાર પાડી ચેતવણી, આવી ભૂલ ન કરતા નહીંતર ખાલી થઈ જશે બેન્ક એકાઉન્ટ

• ભારતમાં વધી રહ્યું છે યુપીઆઈથી પેમેન્ટનું ચલણ 
• સાથે ઓનલાઈન ફ્રોડનો ખતરો પણ વધ્યો
• સરકારે હવે યુપીઆઈ યુઝર્સને આપી ચેતવણી
• પૈસા લેવા માટે કદી પણ યુપીઆઈ પીન એન્ટર ન કરો 

ભારતમાં જે દિવસથી યુપીઆઈનો ઉપયોગ ઓનલાઈન પેમેન્ટ માટે કરવામાં આવ્યો છે, ત્યારથી તેના દ્વારા ટ્રાન્ઝેક્શનની સંખ્યામાં સતત વધારો થઈ રહ્યો છે. ઓક્ટોબર 2022 માં યુપીઆઈ ટ્રાન્ઝેક્શનની કુલ સંખ્યા 730 કરોડ રૂપિયાના આંકડાને પાર કરી ગઈ છે, જે 12.11 લાખ કરોડ રૂપિયાથી 7.7 ટકા વધારે છે. સપ્ટેમ્બર 2022 માં, કુલ 678 કરોડ યુપીઆઈ ટ્રાન્ઝેક્શન થયા હતા, જેની કિંમત 11.16 લાખ કરોડ રૂપિયા છે. એક તરફ દેશમાં યુપીઆઈનો ઉપયોગ વધી રહ્યો છે તો બીજી તરફ તેના કારણે થતી છેતરપિંડીના કેસમાં પણ વધારો થઈ રહ્યો છે.

પૈસા મેળવવા માટે ક્યારેય યુપીઆઈ પિનની જરૂર પડતી નથી
યુપીઆઈ દ્વારા મોટા ભાગના છેતરપિંડીના કિસ્સાઓમાં, એવું જોવામાં આવે છે કે લોકો વિચાર્યા વિના છેતરપિંડી કરનારાઓની જાળમાં ફસાઈ જાય છે અને ઈનામ કે લોભામણી જાહેરાતથી આકર્ષિત થઈને તેમનો 4 અથવા 6 અંકનો યુપીઆઈ પિન દાખલ કરે છે. યુપીઆઈ પિન નાખ્યા બાદ જ્યારે તેમના ખાતામાં આવવાને બદલે પૈસા જાય છે ત્યારે તેમને ખબર પડે છે કે તેઓ સાઈબર ફ્રોડનો શિકાર બન્યા છે. યુપીઆઈ દ્વારા ટ્રાન્ઝેક્શન કરતા લોકોએ હંમેશાં ધ્યાનમાં રાખવું જોઈએ કે પૈસા મેળવવા માટે આપણે ક્યારેય યુપીઆઈ પિન દાખલ કરવાની જરૂર નથી. પૈસા ચૂકવવા માટે હંમેશા યુપીઆઈ પિન નાખવામાં આવે છે.

Never enter a UPI pin to receive money.#UPI #becybersafe #cybersecurityawareness #cyberfraud #cybersecurity #cybercrime #cybersafe #JagoGrahakJago #AapkiApniJagriti@PiyushGoyal @AshwiniKChoubey @SadhviNiranjan @rohitksingh @IndianStandards @PIB_India @mygovindia @upichalega pic.twitter.com/vEI1MDLO1H

— Consumer Affairs (@jagograhakjago) November 17, 2022

ગ્રાહક બાબતોના મંત્રાલયે આપી ચેતવણી
ગ્રાહક બાબતોના મંત્રાલયે યુપીઆઈ દ્વારા લોકોને છેતરપિંડી કરનારાઓ અને સાયબરથી સાવચેત રહેવાની ચેતવણી આપી છે. ગ્રાહક બાબતોના વિભાગે પોતાના સત્તાવાર ટ્વિટર એકાઉન્ટ પર એક ટ્વિટમાં એમ પણ કહ્યું છે કે યુપીઆઈ દ્વારા પૈસા મેળવવા માટે ક્યારેય યુપીઆઈ પિન દાખલ ન કરો. જો તમે આમ કરશો તો તમારા બેંક એકાઉન્ટમાં જમા તમારા લોહી અને પરસેવાની કમાણી આંખના પલકારામાં ઉડી જશે અને  તમારી પાસે પસ્તાવા સિવાય બીજું કંઈ નહીં રહે.